Psonm

 2 Lekel ki kapab koz lo tou bann aksyon pwisan Zeova

Oubyen lo tou son bann aksyon ekstraordiner?+

 3 Ere bann ki azir avek lazistis,

Ki toultan fer sa ki byen.+

Pran swen avek mwan e sov mwan,

 5 Pour ki mon kapab apresye ler ou demontre labonte avek bann ki ou’n swazir,+

Pour ki mon kapab dan lazwa ansanm avek ou nasyon

E ki mon loue ou avek lafyerte* ansanm avek ou leritaz.

Zot pa ti rapel ou gran lanmour fidel,

Me zot ti rebel o bor lanmer, Lanmer Rouz.+

 8 Me i ti sov zot akoz son non,+

Pour ki zot konn son pwisans.+

10 I ti sov zot dan lanmen zot lennmi+

E i ti repran zot dan lanmen zot lennmi.+

11 Delo ti kouver zot bann lennmi,

Ni enn parmi zot pa ti sirviv.*+

12 Alor zot ti konmans annan lafwa dan son promes+

E zot ti sant kantik pour loue li.+

13 Me zot ti vitman oubliy sa ki i ti’n fer,+

Zot pa ti esper son konsey.

15 I ti donn zot sa ki zot ti demande,

Me apre i ti frap zot avek en maladi ki ti fer zot deperi.+

16 Dan kan, zot ti zalou Moiz

Ek Aaron,+ sa enn ki sen pour Zeova.+

17 Alor later ti ouver e anval Datann

E i ti kouver bann ki ti ansanm avek Abiram.+

18 En dife ti bril zot

E en laflanm dife ti devor bann move dimoun.+

19 Zot ti fer en pti bef Oreb

E zot ti azenou devan en stati an metal.*+

20 Olye donn mwan laglwar,

Zot ti ador stati en toro ki manz zerb.+

21 Zot ti oubliy Bondye+ zot Sover,

Ki ti fer bann gran keksoz Lezip,+

22 Bann keksoz merveye dan pei Kam,+

Bann keksoz enpresyonan* kot Lanmer Rouz.+

23 I ti pros pour donn lord pour detrir zot,

Me Moiz, sa enn ki i ti’n swazir ti sipliy li

Pour ki i pa devid son lakoler lo zot.+

24 Apre sa zot ti degout sa bon pei,+

Zot ti napa lafwa dan son promes.+

25 Zot ti kontinyen konplent dan zot latant,+

Zot pa ti ekout sa ki Zeova ti dir.+

26 Alor i ti lev son lanmen e fer serman

Ki zot ti pou mor dan dezer.+

27 I ti pou fer zot desandans mor parmi bann nasyon

E dispers zot dan lezot pei.+

28 Apre zot ti konmans ador* Baal Peor+

E zot ti manz sakrifis ki ti ganny ofer avek dimoun mor.*

29 Sa ki zot ti fer ti fer Li ankoler+

E i ti pini zot avek en fleo.+

30 Me ler Fineas ti leve e azir,

Sa fleo ti arete.+

31 Alor, Bondye ti konsider li konman en dimoun ki fer sa ki byen,

Zenerasyon apre zenerasyon, pour touzour.+

32 Zot ti fer Li ankoler kot delo Meriba*

E akoz zot, keksoz ti al mal pour Moiz.+

33 Zot ti fer li ankoler

E i ti koz san reflesir.+

34 Zot pa ti detrir bann pep,+

Parey Zeova ti’n demann zot pour fer.+

35 Me zot ti frekant sa bann nasyon+

E zot ti konmans* fer parey zot.+

36 Zot ti kontinyen ador zidol bann nasyon+

E sa ti vin en pyez pour zot.+

37 Zot ti sakrifye zot bann garson

Ek fiy avek bann demon.+

38 Zot ti kontinyen fer koule disan dimoun inosan,+

Disan zot prop garson ek fiy

Ki zot ti sakrifye avek bann zidol Kanaan.+

40 Alor Zeova ti vreman ankoler avek son pep

E i ti konmans deteste son leritaz.

41 Plizyer fwa i ti livre zot dan lanmen bann nasyon,+

Pour ki bann ki ay zot i domin lo zot.+

42 Zot lennmi ti maltret zot

E zot ti soumet anba pouvwar* zot lennmi.

43 Plizyer fwa i ti delivre zot,+

Me zot ti rebele e dezobeir.+

44 Me i ti vwar zot soufrans+

E i ti tann zot ler zot ti demann li led.+

45 Akoz zot, i ti rapel son lalyans

E akoz son gran lanmour fidel,* i ti pran pitye pour zot.*+

46 I ti fer bann ki ti anmenn zot an egzil

Pran pitye pour zot.+

Fer nou sorti parmi bann nasyon e rasanble nou+

Pour ki nou glorifye ou non sen

E loue ou dan lazwa.+

48 Ki Zeova, Bondye Izrael i ganny loue

Pour touzour*+

E ki tou dimoun i dir, “Amenn!”*