Psonm

137 Nou ti asize o bor bann larivyer Babilonn,+

Nou ti plere ler nou ti mazin Siyon.+

 2 Nou ti met nou larp anpandan+

Lo bann pye pepliye* ki ti la.*

 3 Laba, bann ki ti pran nou konman prizonnyen ti demann nou pour sante,+

Bann ki monk nou ti anvi anmize, zot ti dir:

 4 Ki mannyer nou kapab sant en sanson pour Zeova

Dan en pei etranze?

 5 O Zerizalenm, si mon oubliy ou,

Ki mon lanmen drwat i nepli kapab fer nanryen.*+

 6 Si mon aret mazin ou,

Si mon pa fer Zerizalenm pli enportan

Ki tou lezot keksoz ki fer mwan zwaye,+

Ki mon lalang i kol lo mon pale.

 7 O Zeova, rapel

Sa ki bann Edonmit ti dir ler Zerizalenm ti tonbe:

 8 O fiy Babilonn, ki pros pour ganny detrir,+

Ere sa enn ki pou fer ou peye

Parey ou, ou ti fer nou soufer.+

 9 Ere sa enn ki pou pran ou bann zanfan

E kraz zot lo ros.+