Proverb
2 En dimoun ki saz i dir bann bon keksoz ki i konnen,
Me sa enn ki bet i koz lo bann keksoz bet.
3 Lizye Zeova pe get partou.
I pe get dimoun bon konman move.
4 En dimoun ki koz dan en fason kalm* i parey en pye dibwa lavi,
Me sa enn ki devir parol i fer dimoun dekouraze.
6 I annan en kantite trezor dan lakaz en dimoun ki fer sa ki byen,*
Me sa ki en move dimoun i rekolte* i fer li ganny problenm.
7 En dimoun ki saz i partaz sa ki i konnen,
Me sa enn ki bet pa fer sa.
8 Zeova i deteste sakrifis bann move dimoun,
Me i kontan lapriyer bann ki fer sa ki drwat.
9 Zeova i deteste keksoz ki bann move dimoun i fer,
Me i kontan sa enn ki kontinyen fer sa ki byen.
10 En dimoun ki kit sa bon semen pa kontan disiplin,*
Me sa enn ki ay koreksyon pou mor.
11 Zeova i vwar Latonm* ek sa landrwa destriksyon.*
Alor pa i osi vwar leker bann dimoun!
12 En dimoun ki boufonn lezot pa kontan sa enn ki pe koriz* li.
I pa pou demann konsey en dimoun ki saz.
13 En leker zwaye i reflekte lo figir en dimoun,
Me sagrinasyon i fer li dekouraze.
14 En leker entelizan i rod konnesans,
Me labous sa enn ki bet i kontan* bann keksoz bet.
15 Tou le zour i en move zour pour en dimoun ki dan lapenn,
Me sa enn ki annan en leker zwaye* i toultan pe fete.
16 Vomye en dimoun ki annan ptigin me ki annan en gran respe pour Zeova
Dan plas annan en kantite larises me avek lenkyetid.*
17 Vomye en pla legim kot i annan lanmour
Dan plas annan en toro angrese* kot i annan laenn.
18 Sa enn ki ankoler vitman i fer dimoun dispit,
Me sa enn ki pa ankoler vitman i fer dimoun aret dispit.
19 Semen en dimoun ki pares i parey en baraz pye pikan,
Me santye en dimoun ki fer sa ki drwat i parey en gran semen ki plat.
20 En garson ki saz i fer son papa kontan,
Me en zonm bet i mepriz son manman.
21 Keksoz bet i gou pour dimoun ki napa bon zizman,*
Me sa enn ki annan disernman i kontinyen mars lo sa bon santye.
22 Bann plan pa reisi ler dimoun pa rod konsey,*
Me keksoz i mars byen ler i annan en kantite konseye.
23 En dimoun i kontan ler i donn en bon larepons*
E pa i bon ler en dimoun i dir en keksoz dan sa bon letan!
24 En dimoun ki annan bon zizman i lo sa santye lavi ki mont anler
E sa i anpes li desann dan Latonm.*
25 Zeova pou kraz lakaz en dimoun ki arogan,
Me i pou protez taso lo later en vev.
26 Zeova i deteste konplo bann move dimoun,
Me i pran plezir dan bann parol ankourazan.*
27 Sa enn ki fer bann profi malonnet i fer son fanmir pas dan problenm,*
Me sa enn ki pa kontan pran gous pou kontinyen viv.
29 Zeova i byen lwen avek bann move dimoun,
Me i ekout lapriyer bann dimoun ki fer sa ki byen.
30 En lizye ki kler i fer leker kontan.*
En bon nouvel i fer bann lezo vin pli for.*
31 En dimoun ki ekout koreksyon ki donn lavi
I reste parmi bann dimoun ki saz.
32 En dimoun ki pa oule aksepte disiplin pa kontan son lavi,*
Me en dimoun ki ekout koreksyon i ganny lentelizans.*
33 Sa enn ki annan en gran respe pour Zeova i aprann ki mannyer pour vin saz
E limilite i fer en dimoun ganny laglwar.