Kantik Salomon
2 “Mon zis en fler safran* dan laplenn lo lakot,
Parey en fler lis ki dan bann vale.”+
2 “Sa enn ki mon kontan parmi bann fiy
I parey en fler lis parmi bann pikan.”
3 “Sa enn ki mon kontan parmi bann garson
I parey en pye ponm dan lafore.
Mon vreman anvi asiz dan son lonbraz
E son fri i dou dan mon labous.
4 I ti fer mwan antre dan sa lakaz kot zot fer lafet*
E tou dimoun ti kapab vwar ki i kontan mwan.
5 Donn mwan bann gato rezen+ ek bann ponm
Pour mwan ganny lafors,
Parski mon malad telman mon anmoure.
6 Son lanmen gos i anba mon latet
E i anmay mwan avek son lanmen drwat.+
7 Bann fiy Zerizalenm, fer en serman
Lo bann gazel+ ek bann femel serf dan lakanpanny:
Pa bezwen esey fer mwan kontan li ziska ler mon kontan li mwan menm.+
8 Mon tann lavwa sa enn ki mon kontan!
Gete! I pe vini.
I pe mont lo bann montanny, i pe sot lo bann pti montanny.
9 Sa enn ki mon kontan i parey en gazel, parey en zenn serf.+
La i la, i pe debout deryer nou miray,
I pe get par lafnet,
Wi, i pe get par lafnet.*
10 Sa enn ki mon kontan i koze e i dir mwan:
‘Ou sa enn ki mon kontan, leve.
Ou sa enn ki zoli, vin avek mwan.
11 Gete! Sezon liver* in fini.
Lapli in aret tonbe.
12 Bann fler in fleri dan pei,+
I’n ariv ler pour tay bann pye rezen+
E bann tourtrel pe sante dan nou pei.+
13 Bann premye fig lo pye fig in mir.+
Bann pye rezen in fleri e zot anvoy zot bon loder.
Ou sa enn ki mon kontan, leve e vini.
Ou sa enn ki zoli, vin avek mwan.
14 Ou mon kolonm* dan bann trou ros+
E dan ranpar,
Les mwan vwar ou e tann ou lavwa,+
Parski ou lavwa i zoli e ou zoli.’”+
15 “Tyonbo bann renar pour nou,
Bann pti renar ki detrir bann plantasyon rezen,
Parski nou bann plantasyon rezen pe fleri.”
16 “Sa enn ki mon kontan i pour mwan e mwan mon pour li.+
I pe pran swen avek son troupo+ parmi bann fler lis.+
17 Sa enn ki mon kontan, degaze retournen
Avan ki divan i konmans soufle* e lonbraz i ale.
Degaze parey en gazel+ oubyen en zenn serf+ lo bann montanny ki separ nou.*