Zeremi
47 La sa ki Zeova ti dir profet Zeremi konsernan bann Filisten,+ avan ki Faraon ti detrir Gaza. 2 La sa ki Zeova i dir:
“Gete! Bann delo ki sorti dan nor pe vini.
Zot pou vin en larivyer ki pe deborde.
Zot pou kouver sa pei ek tou sa ki ladan,
Sa lavil ek bann dimoun ki pe reste laba.
Bann zonm pou kriye
E tou dimoun dan sa pei pou plere.
3 Ler zot pou tann tapaz sabo son bann seval,
Ler zot pou tann tapaz son bann saret lager
E ler zot pou tann tapaz son bann larou,
Bann papa pa pou vire pour rod zot bann garson,
Parski zot lebra pou’n tonbe.
4 Parski sa zour ki pe vini pou touy tou bann Filisten.+
I pou touy tou larestan dimoun ki pe ed Tir+ ek Sidon.+
Parski Zeova pou detrir bann Filisten,
Larestan zot ki sorti lo zil Kaftor.*+
5 Gaza pou vin sov.*
Zot in fer Askelonn aret koze.+
Larestan dimoun ki dan zot laplenn,*
Ziska kan zot pou kontinyen koup zot lekor?+
6 Ar wi! Lepe Zeova!+
Ziska kan ou pou kontinyen fer tapaz?
Retourn dan ou fouro.*
Repoze e reste trankil.
7 Ki mannyer i kapab reste trankil
Vi ki Zeova in donn li en lord?
I devret atak Askelonn ek lakot,+
I’n ganny lord pour fer sa laba.”