B1
Mesaz ki dan Labib
Bondye, Zeova, i annan drwa pour dirize. Son fason dirize i pli siperyer e pli meyer. Son plan pour later ek limanite pou ganny akonplir.
Apre 4026 avan Kris “Serpan” i kestyonn drwa Zeova pour dirize e son fason dirize. Zeova i promet ki i pou annan en “desandans” ki pou kraz sa serpan, setadir Satan. (Zenez 3:1-5, 15) Kantmenm sa, Zeova in donn bann imen letan pour diriz zot lekor anba lenfliyans sa serpan. |
1943 avan Kris Zeova i dir Abraam ki sa “desandans” ki’n ganny promet pou sorti dan son desandans.—Zenez 22:18. |
Apre 1070 avan Kris Zeova i promet David e pli tar son garson Salomon, ki sa “desandans” ki’n ganny promet pou sorti dan zot fanmir.—2 Samyel 7:12, 16; 1 Lerwa 9:3-5; Izai 9:6, 7. |
Lannen 29 Zeova i montre ki Zezi i sa “desandans” ki ti’n ganny promet e ki i sa Zeritye ki pou asiz lo tronn David.—Galat 3:16; Lik 1:31-33; 3:21, 22. |
Lannen 33 Pour en ptigin letan Satan, sa serpan, i bles Zezi sa “desandans” ki ti’n ganny promet par fer li ganny touye. Zeova i resisit Zezi pour li viv dan lesyel e i aksepte valer son sakrifis ki fer li posib pour pese ganny pardonnen e pour bann desandans Adan ganny lavi eternel.—Zenez 3:15; Akt 2:32-36; 1 Korentyen 15:21, 22. |
Apepre 1914 Zezi i zet Satan, sa serpan, lo later e restrikte li laba pour en pti pe letan.—Revelasyon 12:7-9, 12. |
Lavenir Zezi i anprizonn Satan pour 1,000 an e apre i detri li. Dan en sans senbolik, i kraz latet Satan. Zeova i akonpli son plan pour later ek limanite. I retir repros lo son non e son fason dirize i ganny zistifye.—Revelasyon 20:1-3, 10; 21:3, 4. |