FER ZOT VIN DISIP
LESON 12
Annan kouraz
Prensip: “Delwil ek lansan i fer leker kontan, i parey en bon zanmi ki donn konsey avek lanmour.”—Prov. 27:9.
Sa ki Zezi ti fer
1. Get sa VIDEO oubyen lir Mark 10:17-22. Apre reponn sa bann kestyon swivan:
Ki bann bon kalite Zezi ti vwar dan sa zenn dirizan?
Akoz Zezi ti bezwen annan lanmour ek kouraz pour ansenny sa zonm?
Ki nou aprann avek Zezi?
2. Nou bezwen demontre lanmour me nou osi bezwen koz fran e eksplik sa etidyan sa ki i kapab fer pour li vin pli pros avek Zeova.
Fer parey Zezi
3. Ed ou etidyan pour met e atenn bann lobzektif.
Servi sa bwat “Lobzektif” dan sak leson dan liv Viv ere pour touzour!
Ed ou etidyan konpran bann keksoz ki i bezwen fer pour atenn bann gro ek pti lobzektif.
Tanzantan, felisit ou etidyan pour progre ki i pe fer.
4. Konnen kwa ki anpes ou etidyan fer progre e ed li sirmont sa bann problenm.
Demann ou lekor:
‘Si mon etidyan pa pe fer progre pour batize, kwa ki pe anpes li?’
‘Ki mon kapab fer pour ed li?’
Priye pour ganny kouraz pour koz avek ou etidyan dan en fason fran e zantiy konsernan sa ki i bezwen fer.
5. Aret sa letid si i pa pe fer progre.
Pour konnen si ou letid Labib in fer lefe oubyen non, demann ou lekor:
‘Eski mon etidyan pe aplik sa ki i pe aprann?’
‘Eski i pe asiste renyon e i pe koz lo laverite avek lezot?’
‘Si i’n etidye pour en bon pe letan, eski i anvi vin en Temwen Zeova?’
Si en etidyan Labib pa anvi fer progre:
Demann li pour reflesir lo kwa ki pe anpes li fer progre.
Dan en fason zantiy, eksplik li akoz ou pe aret son letid.
Fer li konnen ki progre i bezwen fer pour li rekonmans son letid.