Lanons

◼ Piblikasyon pour ofer an Zanvye: Nenport liv 192 paz ki’n ganny pibliye avan 1986, ki kongregasyon i annan dan stok. Bann kongregasyon ki annan liv L’humanité à la recherche de Dieu i kapab ofer li. Fevriye: Life—How Did It Get Here? By Evolution or by Creation?, Révélation—le grand dénouement est proche!, oubyen nenport ansyen liv 192 paz ki kongregasyon i annan dan stok. Mars: Konnesans Ki Anmenn Ver Lavi Eternel. En zefor spesyal pou ganny fer pour konmans letid Labib kot lakour. Avril: Latour Veyer ek Réveillez-vous! Kan ou fer retourn vizit, ou kapab ofer pour anmenn magazin tou le mwan. Ofer liv Konnesans oubyen brosir Ekspekte, avek lentansyon pour konmans bann letid Labib.

◼ Silvouple note ki Memoryal pour lannen 2002 pou Zedi le 28 Mars, apre soley kouse e non pa Vandredi le 22 Mars, parey i’n ganny endike alafen Calendrier 2001. Sa lenformasyon i ganny donnen byen davans pour ki bann frer i kapab fer bann rezervasyon pour en lasal, dan bann ka kot i annan plizyer kongregasyon ki pe servi menm Lasal Rwayonm e ki zot bezwen servi en lot fasilite. Bann ansyen i devret annan en lagreman avek sa ki ansarz sa landrwa pour asire ki i pou napa distraksyon par lezot aktivite dan sa batiman afen ki Memoryal i ganny fer annord e anpe. Pour rezon lenportans sa lokazyon, kan zot swazir orater pour Memoryal, konsey bann ansyen i devret swazir en frer parmi bann ki pli kalifye olye senpleman fer sakenn son tour oubyen servi menm frer tou le zan. En leksepsyon i ganny fer si i annan en frer avek lesperans seles ki kalifye pour fer sa diskour.

◼ Apartir Fevriye, e pa plitar ki le 4 Mars, sa nouvo diskour piblik par sirveyan rezyonal pou entitile “Zour Zizman—En Letan Lafreyer oubyen Lespwar?”

◼ Bann kongregasyon i devret fer laranzman pour obzerv Memoryal pour sa lannen Dimans le 8 Avril apre soley kouse. Kantmenm diskour i kapab konmans pli boner, bann lanblenm pa devret konmans pase avan soley kouse. Vwar avek bann lotorite lokal pour determin ler ki soley pou kouse dan ou rezyon. Vi ki selman randevou predikasyon ki kapab ganny organize sa zour, laranzman apropriye devret ganny fer pour ki letid Latour Veyer i ganny fer en lot zour. Bann sirveyan rezyonal pou bezwen aziste zot bann progranm renyon pour sa semenn dapre sirkonstans lokal. Kantmenm i ti a pli bon ki sak kongregasyon i selebre son prop Memoryal, sa i kapab pa toultan posib. Kot i annan plizyer kongregasyon ki servi menm Lasal Rwayonm, petet serten kongregasyon i kapab servi en lot fasilite pour sa zour. Kot i posib, nou sizer en minimonm 40 minit ant bann progranm pour permet ase letan pour rankontre bann viziter e ankouraz bann nouvo ki enterese afen ki tou dimoun i kapab benefisye atraver sa lokazyon. Konsiderasyon i devret osi ganny pran pour kondisyon trafik ek parking, enkli laranzman pour anmenn e al sers bann ser ek frer. Konsey bann ansyen i devret deside ki laranzman ki pou pli meyer lokalman.

◼ Diskour piblik spesyal pour Memoryal 2001 pou ganny fer Dimans le 1 Avril. Tenm sa diskour i “Lekel ki Kapab Ganny Sove?” En plan pou ganny donnen. Sa bann kongregasyon ki annan vizit sirveyan rezyonal, en lasanble rezyonal oubyen zournen lasanble spesyal pou ganny sa diskour piblik spesyal semenn le 9 Avril. Okenn kongregasyon pa devret fer sa diskour piblik spesyal avan 1 Avril, 2001.

◼ Apartir le 1 Zanvye, 2001, magazin Latour Veyer pou disponib an Kaonde ek Kreol Seselwa konman en edisyon mansyel, e an Silozi konman en edisyon semi mansyel.

◼ Apartir le 8 Zanvye, 2001, Réveillez-vous! pou disponib dan langaz Bulgari ek Urdu konman en edisyon mansyel.