Progranm Renyon Servis

NOTE: Nou Minister Rwayonm pou progranm en Renyon Servis pour sak semenn pandan mwan Out. Bann kongregasyon i kapab fer bann azisteman neseser pour kapab asiste Lasanble Distrik. Servi 15 minit dan dernyen Renyon Servis avan asiste lasanble pour revwar konsey enportan ki ganny trouve dan sa nimero Nou Minister Rwayonm ki apropriye lokalman. Pandan mwan Oktob, en Renyon Servis pou ganny organize pour revwar bann pwen enportan sa lasanble. An preparasyon pour sa diskisyon, nou tou nou ganny ankouraze pour pran bann not spesifik pandan lasanble, ki enkli en lalis bann pwen ki nou ti ava oule aplike personnelman dan nou lavi e dan predikasyon. Apre nou pou pare pour eksplike konman nou’n aplik sa bann pwen depi ki nou’n asiste sa lasanble. I pou vreman konstriktif pour antann konman nou’n benefisye avek sa bon lenstriksyon ki nou ti gannyen.

Semenn le 14 Me

Kantik 58

10 min: Lanons lokal ek bann Lanons apropriye dan Nou Minister Rwayonm. Diskit lo sa not pli o konsernan azisteman Renyon Servis ek plan pour en Renyon Servis an Oktob, kot pou annan revizyon bann pwen enportan dan lasanble. Anons kongregasyon bann laranzman pour zournen spesyal magazin ki tonm Sanmdi le 19.

15 min: Bezwen lokal.

20 min: “Parol Bondye . . . i annan Pisans.”a Enkli de demonstrasyon ki’n ganny byen prepare pour montre konman bann prezantasyon bref i kapab atir latansyon bann dimoun anver Parol Bondye.

Kantik 79 ek lapriyer final.

Semenn le 21 Me

Kantik 100

12 min: Lanons lokal ek bann fe predikasyon.

15 min: “Partisip plennman dan Rekolt.”b Letan pe diskit paragraf 4, enkli legzanp dan Latour Veyer le 15 Septanm 1996, paz 19, paragraf 10, pour montre ki serten pe fer pour elarzi zot predikasyon.

18 min: “Nou’n travay dan nou Teritwar plizyer Fwa!”c Pour ganny devlope par sirveyan servis. (Bann kongregasyon ki annan bann teritwar ki rarman ganny vizite i kapab revwar sa lartik “Les périodiques annonce le Royaume” dan Nou Minister Rwayonm Avril 1998.) Diskite lo kwa ki kapab ganny fer lokalman pour al pli oprofon letan pe kouver teritwar. Rakont bann fe dan Annuaire 1997, paz 204, ek Latour Veyer le 15 Fevriye, 1996, paz 26. Met laksan lo lenportans pour gard en bon not pour retourn vizit, not pour bann absan, e fer bann retourn vizit oplivit posib.

Kantik 142 ek lapriyer final.

Semenn le 28 Me

Kantik 3

6 min: Lanons lokal. Rapor kont. Rapel tou bann proklanmater pour remet zot rapor predikasyon pour mwan Me.

9 min: Ki ou Plan pour Mwan Out ek Septanm? En ansyen oubyen en asistan ministeryel ek son fanmiy i diskite ki zot kapab fer pandan mwan Out ek Septanm. Zot koz konsernan asiste tou le trwa zour lasanble distrik, posibilite pour vin pionye asistan, e petet al en vakans e angaz dan serten rekreasyon. Zot tou zot dakor pour pa negliz zot bann aktivite teokratik, tel ki asiste bann renyon kongregasyon, partisip dan predikasyon, etidye Labib an fanmiy, menm si zot vwayaz dan en lot landrwa. Zot pou fer sir ki zot raport zot predikasyon avek sekreter atan, kantmenm zot kot lakour oubyen dan en lot landrwa.

14 min: “Bann Lasanble—Moman pour rezwir!” Diskour par en ansyen. Eksplike akoz bann gran rasanbleman pep Zeova ti ganny fer dan letan Biblik e akoz zot vreman benefisye nou ozordi. Sa bann lokazyon i donn nouritir spirityel ki esansyel ek en lasosyasyon ki afermi. Met laksan lo lenportans ki tou dimoun i devret prezan pour asiste tou le trwa zour sa lasanble distrik.

16 min: “Fason pli senp pour distribye bann Piblikasyon.” Diskour par en ansyen. Met lanfaz lo diferans ant en keksoz ki “gratwit” ek enn ki “napa en pri fiks” e dan en fason ekilibre, eksplik nesesite pour servi disernman letan pe distribye bann piblikasyon ek bann magazin. Eksprim lapresyasyon pour bann zefor ki bann frer i fer pour siport sa travay mondyal. Konklir par envit lodyans pour fer bann komanter konstriktif pour asire ki tou dimoun in konpran sa laranzman.

Kantik 31 ek lapriyer final.

Semenn le 4 Zen

Kantik 52

10 min: Lanons lokal. Enkli en demonstrasyon kot en proklanmater i prezant Latour Veyer, i lir en verse Labib avek sa dimoun e ofer pour anmenn magazin tou le mwan.

17 min: “Ekoute e pran plis Lenstriksyon.” Diskour ek diskisyon avek lasistans. Eksplike pour ki rezon lenstriksyon ki ganny donnen dan bann lasanble i en nouritir spirityel esansyel ki nou bezwen. Fer en komanter lo lakantite letan ek zefor ki nou bezwen pour fer en tel progranm. Envit lodyans pour fer komanter lo ki sakenn i kapab fer pour asir sa gran benefis pour limenm e pour lezot. Met laksan lo bann rezon akoz nou tou nou bezwen pe asize letan sak sesyon i konmanse.

18 min: “Konport nou byen e ganny loue!”d Eksplike akoz nou atir latansyon bokou dimoun letan nou asiste en gran lasanble. Bann komanter favorab sorti kot bann obzervater i konman en temwannyaz Rwayonm, me bann remark negatif i kapab detourn bann dimoun. Mansyonn bann keksoz spesifik ki nou devret fer pour demontre ki nou annan bann kalite Kretyen ki enkli vre konsern pour lezot.

Kantik 105 ek lapriyer final.

[Not anba lo paz]