Ki Lobzektif?
1 Akoz nou kondwir bann letid Labib kot lakour? Pour zis transmet konnesans, pour amelyor lavi bann dimoun, oubyen pour eklersi zot pwenn-vi lo lavenir? Non. Nou lobzektif prensipal se pour fer bann dimoun vin disip Zezi Kri! (Mat. 28:19; Akt 14:21) Se pour sa rezon ki bann dimoun ki nou etidye avek i devret asosye avek kongregasyon. Zot progre spirityel i relye direkteman avek zot lapresyasyon pour lorganizasyon Kretyen.
2 Konman pour akonpli sa: Dek ki ou konmans etidye avek sa dimoun, ankouraz li kontinyelman pour asiste renyon kongregasyon. (Ebr. 10:24, 25) Eksplik li konman ki sa pou fortifye son lafwa, pou ed li pour fer lavolonte Bondye, e permet li pour asosye avek lezot ki anvi loue Zeova. (Ps. 27:13; 32:8; 35:18) Ou lanmour ki ou demontre e ou lapresyasyon pour kongregasyon ek bann renyon pou motiv li pour asiste.
3 Bann nouvo i devret konpran ki lorganizasyon Zeova i en lasosyasyon frer enternasyonal. Montre zot sa de video Les Témoins de Jéhovah: un nom, une organisation ek Toute la communauté de nos frères. Ed zot pour rekonnet ki Zeova pe servi plizyer milyon endividi partou lo later ki’n dedye zot lavi pour akonpli son lavolonte. Fer sa bann nouvo konnen ki zot osi zot ganny envite pour servi Bondye.—Iza. 2:2, 3.
4 I en rezon pour rezwir pour vwar en etidyan Labib vin en vre disip Zezi. Se sa nou lobzektif!—3 Zan 4.