Progranm Renyon Servis

Semenn le 12 Novanm

Kantik 170

10 min: Lanons lokal. Lanons apropriye dan Nou Minister Rwayonm. Fer resorti laranzman predikasyon pour semenn le 22 Novanm.

15 min: “Depan lo Zeova pour ganny Lafors.”a Enkli komanter an bref dan Latour Veyer 1 Oktob 1999, paz 18-19, paragraf 6-8.

20 min:  Bann laspe liv Comment Raisonner. Diskisyon avek lodyans. Konsider sa bann legzanp swivan lo konman bann diferan laspe dan sa liv i vreman itil pour eksplik bann lansennyman Labib: Definisyon parey “Kingdom” (paz 225-6 an Angle); “Royaume” (paz 335-6 an Franse) oubyen “spirit” (paz 380 an Angle); “Esprit” (paz 135 an Franse); en varyete tradiksyon ki montre kote e konman non Bondye i ganny servi dan Labib (paz 191-3 an Angle; paz 195-7 an Franse) oubyen laverite konsernan lanfer (paz 169-70 an Angle; paz 123-4 an Franse); bann lalis, ki detay nou bann krwayans ki fer nou diferan avek lezot larelizyon (paz 199-201 an Angle; paz 393-5 an Franse) oubyen montre konman en dimoun i kapab konnen ki larelizyon ki vre (paz 328-30 an Angle; paz 316-17 an Franse); konteks istorik, ki revel lorizin Nwel (paz 176-8 an Angle; paz 161-4 an Franse ) oubyen pozisyon ki bann premye Kretyen ti pran anver politik (paz 273-5 an Angle; paz 267-9 an Franse); oubyen levidans syantifik ki siport kreasyon (paz 85-6 an Angle; paz 73-4 an Franse) oubyen konsekans litilizasyon mariwana ek taba (paz 108-11 an Angle; paz 114-18 an Franse). Ankouraz bann proklanmater pour servi sa bon led lansennyman nenport ki moman zot ganny loportinite dan predikasyon.

Kantik 191 ek lapriyer final.

Semenn le 19 Novanm

Kantik 172

8 min: Lanons lokal. Rapor kont.

15 min: Bezwen lokal.

22 min: “Devlop ou Kapasite pour disteng sa ki byen ek sa ki mal.”bEn ansyen i repas lo progranm zournen lasanble spesyal ki ti fer lannen pase. Dan son konklizyon i ankouraz lasistans pour asiste sa prosenn lasanble spesyal tou le de sesyon bomaten ek apremidi, i donn son tenm ek ler ki i konmanse e fini.

Kantik 195 ek lapriyer final.

Semenn le 26 Novanm

Kantik 177

15 min: Lanons lokal. Rapel bann proklanmater pour remet zot rapor servis pour mwan Novanm. Par servi bann sizesyon dan “Ki pour dir lo bann Magazin,” demontre konman pour prezant de magazin, enn servi Latour Veyer le 1 Desanm e lot servi Réveillez-vous! le 8 Desanm. Apre eksplike konman pour trouv en prezantasyon pour servi kan pe ofer liv Le plus grand homme de tous les temps oubyen enn bann piblikasyon ki pe ganny ofer pandan Desanm. Get dan Watch Tower Publications Index anba tit “Presentations” e soutit ki’n ganny plase omilye “List by Publication.” Partaz enn oubyen de legzanp. Rapel tou dimoun pour servi souvan sa trak Eski ou ti a kontan konn plis lo Labib?

15 min: “Kote mon pou trouv Letan?” Diskour ek diskisyon avek lodyans. Enkli bann pwen prensipal dan Latour Veyer le 1 Oktob, 2000, paz 20-1, paragraf 9-10, anba soutit “How Some Make Room for Studying.” Envit lodyans pour rakonte konman dan bann fason pratik zot in trouv letan pour fer bann keksoz ki pli enportan par elimin bann aktivite ki pa neseser. Met lanfaz lo nesesite pour progranm letan pour letid personnel e letid familyal, renyon kongregasyon, predikasyon, ek lektir Labib toulezour.

15 min: Bann Zenn pe loue Zeova. Diskisyon avek lodyans. Dan laplipar kongregasyon i annan bann zenn ki partisip dan predikasyon. I apropriye pour zot fer sa, menm si zot bezwen pres avek bann adilt. (Pson. 148:12, 13; Mat. 21:15, 16) Kan bann paran ek lezot proklanmater i annan en lentere dan bann zenn, osi ankouraz e form zot, zot pou eksperyans plis lazwa dan predikasyon. Envit lodyans pour sizer bann fason konman pour enkli bann zenn dan travay port-an-port ek retourn vizit. Demann bann paran pour rakonte ki zot in fer pour ed zot zanfan aprann konman pour ofer magazin, pour servi Labib dan zot prezantasyon, e pour koz avek lasirans devan laport bann dimoun. Met lanfaz lo benefis pour felisit bann zanfan. Entervyou enn oubyen de zenn proklanmater, e les zot dir kwa ki zot pe apresye konsernan travay predikasyon e akoz.

Kantik 198 ek lapriyer final.

Semenn le 3 Desanm

Kantik 179

5 min: Lanons lokal.

20 min: “Nou annan en nouvo Zouti pour konmans Letid!” Diskisyon avek lodyans. Pour ganny fer par sirveyan servis. Distribye en kopi sa nouvo trak Eski ou ti a kontan konn plis lo Labib? si i disponib avek tou dimoun ki prezan. Fer de demonstrasyon byen prepare, an servan bann sizesyon dan bwat “Ki pour dir lo bann Magazin.” En proklanmater i prezant Watchtower le 15 Novanm, e en lot i prezant Réveillez-vous! le 22 Novanm. Dan tou le de demonstrasyon, sa proklanmater i konklir par donn sa trak Konn Labib avek sa dimoun—avek enn ki pa aksepte sa magazin e avek en lot ki aksepte. Ankouraz tou dimoun pour donn sa nouvo trak avek tou dimoun ki zot rankontre dan predikasyon.

20 min: “Benediksyon ki nou gannyen par demontre lapresyasyon pour Lanmour Zeova—Premye Parti.”c Kan pe diskit paragraf 3-6, envit kongregasyon pour rakont bann leksperyans ankourazan ki zot in gannyen dan travay port-an-port, temwannyaz lo semen, retourn vizit ek aktivite letid Labib.

Kantik 200 ek lapriyer final.

[Not anba lo paz]