Progranm Renyon Servis

Semenn le 11 Mars

Kantik 2

13 min: Lanons lokal. Lanons apropriye dan Nou Minister Rwayonm. Par servi bann sizesyon lo paz 6, fer de demonstrasyon separe lo konman pour prezant Latour Veyer (Angle/Franse) le 15 Mars ek Réveillez-vous! le 22 Mars. Dan tou le de ka, montre en diferan fason konman pour tret bann ka kot dimoun i dir “Mon pa enterese.”—Vwar liv Comment raisonner, paz 16.

12 min: Bann Kretyen pe mentenir zot pozisyon pour pa siport okenn kote. Diskour par en ansyen kalifye. Dan serten pei, i pe vin komen pour dimoun demontre ki zot patriyotik dan lekol, dan landrwa travay, e partou dan vwazinaz. En kantite dimoun ki promot sa i fer li konman zot fason pour fer fas avek bann lenkyetid ek latristes konsernan bann trazedi nasyonal. Menm si nou osi nou ganny afekte par sa ki nou vwar dan lemonn, nou konpran ki sa i relye avek kestyon ki’n ganny leve konsernan souvrennte iniversel e nou ganny konsole par mesaz Rwayonm. Kan avek en bon zizman nou eksplik lezot akoz nou pa partisip dan bann aktivite patriyotik, nou devret osi partaz sa rekonfor ek lespwar ki nou’n trouve dan Parol Bondye. Brosir Les Témoins de Jéhovah et l’instruction, paz 20-4, anba soutit “Le salut au drapeau,” i eksplik rezon akoz nou pa partisip dan bann seremoni patriyotik. Diskit bann pwen enportan dan sa brosir, e ankouraz paran pour egzamin sa lenformasyon avek zot zanfan. Rakont leksperyans ki trouve lo paz 20 dan sa brosir e lo paz 31 dan Réveillez-vous! le 8 Zanvye, 1996. Met lanfaz lo nesesite pour donn Zeova en latasman eksklizif, anmenmtan ki nou respekte lotorite gouvernmantal.

20 min: ‘Vin ris dan bann bon Aksyon.’a Pour ganny fer par sirveyan servis. Ankouraz tou dimoun pour partisip plennman dan minister an preparasyon pour komemorasyon Memoryal le 28 Mars. Diskite konman nou kapab servi bann lenvitasyon pour envit otan dimoun ki posib. Fer bann proklanmater rakonte konman zot in kapab fer zot fanmiy, vwazen, bann etidyan Labib ek lezot dimoun ki enterese asiste Memoryal lannen pase e ki lazwa sa in anmenn zot. Ankouraz tou bann ki kapab fer pionye asistan an Avril pour pran en form laplikasyon apre sa renyon.

Kantik 82 ek lapriyer final.

Semenn le 18 Mars

Kantik 7

10 min: Lanons lokal. Rapor kont. Diskit “Bann Rapel pour Memoryal.” Ankouraz tou dimoun pour fer lektir Labib pour Memoryal ki’n ganny progranmen pour le 23-28 Mars, parey i’n ganny endike dan Examinons les Écritures chaque jour—2002.

15 min: “Ini dan Lazwa avek Zeova ek son Garson.” Diskour par en ansyen baze lo Lekritir pour motiv lezot. Ankouraz tou dimoun pour fer zefor ekstra depi konmela menm ziska le 28 Mars pour envit otan dimoun ki posib pour asiste Memoryal ansanm avek nou.

20 min: Konman ki Annuaire i benefisye ou? Diskour ek diskisyon avek lodyans. Premyerman, fer resorti bann pwen enportan dan “En Let sorti kot Konsey Direkter,” lo paz 3-5 (oubyen vwar Nou Minister Rwayonm pour mwan Fevriye). Apre sa, demann lodyans pour fer resorti bann rapor ek leksperyans dan l’Annuaire ki zot in trouve i sirtou ankourazan e fortifye zot lafwa. Ankouraz tou dimoun pour fini lir Annuaire e pour servi li pour familyariz bann etidyan Labib avek lorganizasyon Zeova.

Kantik 45 ek lapriyer final.

Semenn le 25 Mars

Kantik 12

14 min: Lanons lokal. Eksplike ki i pa tro tar pour ranpli en form laplikasyon pour fer pionye asistan an Avril. An servan bann sizesyon lo paz 8, fer en ansyen demontre konman pour prezant Latour Veyer le 1 Avril e fer en zenn montre konman pour prezant Réveillez-vous! le 8 Avril. Apre sak demonstrasyon, fer resorti bann bon laspe sa de prezantasyon.

15 min: Bezwen lokal.

16 min: Servi liv Comment raisonner pour donn lankourazman. Diskisyon avek lodyans. Tou dimoun i bezwen ganny ankouraze avek lanmour detanzaot. Alor, nou tou nou devret santi en bezwen pour “koz dan en fason rekonfortan” avek lezot, enkli bann ki dekouraze ki nou rankontre dan minister. (1 Tesa. 5:14, NW ) Par servi liv Comment raisonner, envit lodyans pour dir ki lankourazman Biblik zot kapab partaz avek en dimoun ki pe eksperyans enn parmi bann leprev ki ganny mansyonnen lo paz 117-21. Sizere ki sak dimoun i esey ankouraz en dimoun nenport moman ki neseser.—Gal. 6:10.

Kantik 131 ek lapriyer final.

Semenn le 1 Avril

Kantik 27

7 min: Lanons lokal. Rapel bann proklanmater pour remet zot rapor pour mwan Mars.

18 min: “Avek Devouman bann ‘Don an Zonm’ i pran Swen avek Troupo Bondye.” En diskour par en ansyen. Diskit bann teks Labib ki’n ganny site. Montre konman nou kapab ganny bann leksperyans ankourazan kan nou pran swen avek bann ki inaktif e kan nou ed bann ki aze pour fer sa ki zot kapab. Bann berze ki annan lanmour i montre lapresyasyon pour zefor senser ki troupo i fer pour reste aktif dan servis Zeova.

20 min: “Ogmant ou Lazwa dan Predikasyon.”b Kan pe diskit paragraf 5, demann bann sizesyon pratik lo konman pour vin pli efikas dan nou teritwar. Demontre enn oubyen de legzanp lo konman nou kapab pran linisyativ pour apros en dimoun pour donn en temwannyaz an bref. Ankouraz tou dimoun pour rod loportinite pour rann temwannyaz sa semenn.

Kantik 15 ek lapriyer final.

[Not anba lo paz]