Progranm Renyon Servis

Semenn le 13 Me

Kantik 37

15 min: Lanons lokal. Lanons apropriye dan Nou Minister Rwayonm. Servi bann sizesyon lo paz 8 pour fer de demonstrasyon lo konman pour prezant Latour Veyer le 15 Me (Angle/Franse) ek Réveillez-vous! le 22 Me. Dan tou le de demonstrasyon, montre en lapros diferan pour sirmont sa lobzeksyon “Mon okipe.”—Vwar liv Comment raisonner lo paz 19-20.

15 min: “En Lesanz Lankourazman spesyal.” En diskour. Batir lapresyasyon pour asiste lasanble distrik. Ankouraz tou dimoun pour prezan pour tou bann sesyon, depi Vandredi bomaten ziska Dimans apremidi.

15 min: “Kouver ou Teritwar plennman.”a Met lanfaz lo sa nesesite pour kouver plennman teritwar par retournen pour vizit bann ki pa ti la lo ou premye vizit e par revizit bann ki enterese. Fer resorti bann lavantaz pour fer en bon preparasyon par servi sa bwat lo paz 6. Rakont en leksperyans pour montre bon rezilta ki nou gannyen kan nou trouv tou bann ki pa ti kot zot lo premye vizit.

Kantik 115 ek lapriyer final.

Semenn le 20 Me

Kantik 13

15 min: Lanons lokal. Rapor kont. Egzamin Kwen Kestyon.

12 min: “Satisfer ou Bezwen spirityel.” Diskour ek diskisyon avek lodyans. Egzamin bann rezon akoz nou tou nou devret port bokou latansyon lo progranm lasanble. Met lanfaz lo nesesite pour aplik sa ki nou aprann olye ki zis ekoute. Rapel kongregasyon konsernan laranzman pour en Renyon Servis an Oktob, kot pou annan en revizyon lo bann pwen for sa lasanble. Ankouraz tou dimoun pour pran not. Envit lodyans pour fer detrwa komanter konsernan bann benefis ki zot in gannyen avek progranm lasanble lannen pase.

18 min: “Demontre Modesti dan ou Resanz ek ou Laparans.”b Pour ganny prezante par en ansyen, ki pou lir sak paragraf apre ki’n fini ganny diskite. Ed tou dimoun pour rekonnet akoz i enportan pour vey byen nou laparans personnel dan piblik.

Kantik 169 ek lapriyer final.

Semenn le 27 Me

Kantik 208

12 min: Lanons lokal. Rapel bann proklanmater pour remet zot rapor predikasyon pour mwan Me. Servi bann sizesyon lo paz 8, fer en proklanmater aze demontre konman pour prezant Latour Veyer le 1 Zen e fer en pli zenn proklanmater demontre konman pour prezant Réveillez-vous! le 8 Zen. Apre sak demonstrasyon, fer resorti konman ki i ti fasil pour enkli en verse dan sa de prezantasyon.

15 min: “Eski ou Kongregasyon i annan en gran Teritwar?” Diskour ek diskisyon avek lodyans ki pou ganny fer par sirveyan servis. (Bann kongregasyon ki napa bokou teritwar i kapab reviz sa lartik “Faisons en sorte que notre temps compte,” dan Nou Minister Rwayonm Zen 1999.) Dir ki kantite teritwar ki kongregasyon i annan e ki kantite ki’n ganny kouver lannen pase. Eksplike konman bann sizesyon ki’n ganny ofer i kapab ganny aplike lokalman. Revwar laranzman ki pe ganny fer pour kouver teritwar ki rarman ganny kouver.

18 min: “Eski ou pe servi Brosir Ekspekte pour konmans bann Letid?” (Tou dimoun i devret annan sipleman Nou Minister Rwayonm Zanvye 2002 avek zot pour sa diskisyon.) Konmans par fer en proklanmater ki’n byen prepare demontre konman pour konmans en letid, par servi sa legzanp dan paragraf 3. Apre, mansyonn bann lavantaz ki sa brosir i annan, e eksplike konman i’n ganny byen prepare pour konmans bann letid. Montre lenportans pour revwar bann prezantasyon dan sipleman Zanvye 2002. Demann lodyans ki sizesyon ki zot in vwar i bon pour zot. Konklir par repet sa demonstrasyon pli boner.

Kantik 93 ek lapriyer final.

Semenn le 3 Zen

Kantik 178

15 min: Lanons lokal. Aranze pour fer bann proklanmater rakont bann benediksyon ki zot in gannyen ler zot in fer pionye asistan oubyen ordiner pandan mwan Mars, Avril, oubyen Me.

15 min: Konman ki liv Comment raisonner i servi lezot Tradiksyon Labib. Diskour bref swivi par diskisyon avek lodyans. Lir paragraf 2 lo paz 8 dan liv Comment raisonner, e eksplike akoz e konman Labib i devret ganny servi souvan dan nou minister. Fer resorti lalis bann abrevyasyon Labib lo paz 6, e eksplike akoz nou servi bann lekspresyon dan lezot tradiksyon. Diskit sa rapel ki ganny mansyonnen dan Latour Veyer le 1 Oktob, 1997, paz 16, paragraf 2, ek paz 20, paragraf 15 (Angle/Franse). Par servi topik “Sucession apostolique,” “Images,” ek “Trinité” dan liv Comment raisonner, envit lodyans pour montre konman ki konpar bann diferan tradiksyon i kapab itil pour ansenny laverite.

15 min: “Nou Lafwa i pous nou pour fer bann bon Aksyon.”c Ler ou pe diskit paragraf 2, an bref entervyou en temwen zele. Fer sa proklanmater eksprimen konman ki rann temwannyaz avek lezot i demontre e fortifye son lafwa.

Kantik 56 ek lapriyer final.

[Not anba lo paz]