Progranm Renyon Servis

NOT: Nou Minister Rwayonm pou progranm en Renyon Servis pour sak semenn pandan mwan Out. Bann kongregasyon i kapab fer bann azisteman neseser pour kapab asiste Lasanble Distrik “Bann Proklanmater Rwayonm Zele.” Kot i apropriye, servi 5-10 minit dan dernyen Renyon Servis avan asiste lasanble pour revwar bann konsey enportan dan sipleman Me ki aplikab lokalman. Pandan mwan Oktob, en Renyon Servis pou ganny organize pour reviz bann pwen enportan lo sa progranm lasanble. An preparasyon pour sa diskisyon, nou tou nou ganny ankouraze pour pran bann not spesifik pandan lasanble, enkli en lalis bann pwen ki nou ti ava oule aplike personnelman dan nou lavi e dan predikasyon. Apre nou kapab eksplike konman nou’n aplik sa bann sizesyon depi ki nou’n asiste lasanble. I pou vreman konstriktif pour antann kanmarad rakonte konman zot in benefisye avek sa bon lenstriksyon ki zot ti gannyen.

Semenn le 12 Out

Kantik 76

12 min: Lanons Lokal. Lanons apropriye dan Nou Minister Rwayonm. Servi sizesyon lo paz 8, fer de demonstrasyon pour montre konman pour prezant Latour Veyer le 1 Out ek Réveillez-vous! le 8 Out. Dan sak demonstrasyon, montre en diferan fason pour sirmont sa lobzeksyon “Akoz zot pas devan laport dimoun souvan?”―Vwar liv Comment raisonner, paz 20.

15 min: “Etablir bann Lobzektif spirityel.”a Kan pe diskit paragraf 5, enkli bann komanter ankourazan konsernan fer pionye ordiner ek misyonner ek servis Betel dan liv Notre ministère, paz 114-16.

18 min: “Demontre Fidelite ler en Manm Fanmiy i ganny ekskli.”b (Paragraf 1-8) I devret ganny prezante par en ansyen byen kalifye, an servan kestyon ki’n ganny fourni. Fer en frer ki en bon lekter lir sak paragraf aotvwa.

Kantik 123 ek lapriyer final.

Semenn le 19 Out

Kantik 182

12 min: Lanons Lokal. Rapor kont.

15 min: Kwa ki anpes zot? Diskisyon avek lodyans ek demonstrasyon. Souvan dan nou minister nou rankontre dimoun ki ezite pour diskit zot krwayans. Sa i kree en baryer ki kapab anpes nou partaz sa mesaz Rwayonm. Si nou rekonnet akoz en dimoun pa oule koze, sa i kapab ed nou pour prepar en lapros ki pou ankouraz sa dimoun pour eksprim son lopinyon. Diskite konman nou kapab adapte nou prezantasyon kan nou rankontre sa bann kalite dimoun swivan: (1) Bann ki pa enterese avek larelizyon, menm sa ki pour zot. (2) Bann ki atas en valer santimantal avek bann koutim relizye ki zot fanmiy ek zanset ti pratike. (3) Bann ki santi zot zennen pour koz lo zot krwayans akoz zot pa kapab tro siport zot krwayans par servi Labib. (4) Bann ki annan prezidis kont nou akoz bann fo propagann ki’n ganny dir par bann adverser. Aziste lalis si i neseser pour adapte avek teritwar lokal, konsantre lo latitid ki souvan nou fer fas avek. Enkli en demonstrasyon bref pour montre konman pour atir lentere en dimoun dan en konversasyon ki baze lo Labib.

18 min: “Demontre Fidelite ler en Manm fanmiy i ganny ekskli.”c (Paragraf 9-14) I devret ganny prezante par en ansyen byen kalifye, an servan bann kestyon ki’n ganny fourni. Fer en frer ki en bon lekter lir sak paragraf aotvwa.

Kantik 136 ek lapriyer final.

Semenn le 26 Out

Kantik 189

10 min: Lanons lokal. Servi sizesyon lo paz 8, e fer en pionye ordiner oubyen asistan demontre konman pour prezant Latour Veyer le 15 Out (Angle/Franse) e fer en proklanmater montre konman pour prezant Réveillez-vous! le 22 Out. Ankouraz tou proklanmater pour enkli en verse Labib dan zot prezantasyon.

17 min: Leksperyans lokal. Envit kongregasyon pour rakont bann leksperyans ki zot in gannyen an servan sa trak Eski ou ti a kontan konn plis lo Labib? Eski okenn letid Labib in konmanse? Si wi, eksplike konman oubyen demontre enn ouswa de leksperyans par demonstrasyon. Revwar sa bwat “Bann Loportinite pour distribye sa Trak” dan Nou Minister Rwayonm Novanm 2001, paz 4.

18 min: Bezwen lokal. Oubyen envit kongregasyon pour rakont bann leksperyans ki zot i’n gannyen kan zot in donn temwannyaz enformel, petet par partaz bon nouvel avek dimoun dan landrwa parking, dan transpor piblik, dan zarden piblik, dan bann laboutik, lo bèstòp e dan lezot landrwa piblik. Demontre enn ouswa de leksperyans.

Kantik 125 ek lapriyer final.

Semenn le 2 Septanm

Kantik 84

10 min: Lanons lokal. Rapel tou proklanmater pour remet zot rapor servis pour mwan Out. Diskit “Nouvo Progranm Zournen Lasanble Spesyal.” Prosen zournen lasanble spesyal pou ganny fer le 1 Desanm, 2002 kot Sant Konferans Enternasyonal, Viktorya. Ankouraz tou dimoun pour ariv boner e pour atantif pandan progranm an antye. Ankouraz tou proklanmater pour envit bann nouvo ki enterese ek bann etidyan Labib.

20 min: Prepare avan ou ale. Diskisyon ek demonstrasyon. Ler nou fer en bon preparasyon sa i kontribye pour nou vin efikas dan nou minister. Alors, byen davans: (1) Rod piblikasyon ki ou pou bezwen. (2) Fer sir ki ou annan ase house-to-house records ek en bolpenn ouswa en kreyon. (3) Si ou bezwen transpor, fer bann laranzman apropriye. (4) Mazin bann retourn vizit ki ou plàn pour fer. (5) Prepar sa ki ou pou al dir. Si ou pou diriz randevou predikasyon, prevwar sifizaman teritwar. Diskit avek lodyans de ouswa trwa fason ki liv Création i kapab ganny ofer dan minister pandan mwan Septanm. Fer en demonstrasyon lo enn sa bann prezantasyon, e enkli en verse Labib dan diskisyon.―Vwar bann sizesyon dan Nou Minister Rwayonm, Septanm 1996, paz 8, ek Zen 1995, paz 4, an Angle/Franse.

15 min: “Aprann konman pour byen kominike!”d Dan konklizyon, ankouraz bann proklanmater pour revwar sa sapit “Konman amelyor Abilite pour fer Konversasyon” dan liv Benefisye atraver Ledikasyon Lekol Minister Teokratik, paz 62-5.

Kantik 99 ek lapriyer final.

[Not anba lo paz]