Progranm Renyon Servis

Semenn le 11 Novanm

Kantik 183

10 min: Lanons apropriye dan Nou Minister Rwayonm. Servi sizesyon lo paz 8, fer de demonstrasyon pour montre konman pour prezant Latour Veyer le 1 Novanm ek Réveillez-vous! le 8 Novanm. Dan enn ant lede , eksplike ki mannyer nou travay dan lemonn antye i ganny finanse.—Vwar Latour Veyer, paz 2.

15 min: Bann Siporter vre Ladorasyon—Avan e konmela. En diskour baze lo Latour Veyer le 1 Novanm, 2002 paz 26-30 an Angle oubyen an Franse.

20 min: “Siport ou Sirveyan Letid Liv Kongregasyon.”a Pour ganny prezante par en ansyen ki en sirveyan Letid Liv Kongregasyon. Ler pe diskit paragraf 3, enkli bann komanter ki trouve dan liv Lekol Minister, paz 70. Felisit kongregasyon pour bann fason spesifik kot zot siport laranzman Letid Liv, e zantiman atir latansyon lo nenport laspe kot i neseser fer amelyorasyon.

Kantik 114 ek lapriyer final.

Semenn le 18 Novanm

Kantik 78

10 min: Lanons lokal. Rapor kont.

10 min: Kwen Kestyon. Diskour par en ansyen kalifye.

25 min: “Bann Sef Fanmiy—Gard en Progranm spirityel regilye.” Apre en lentrodiksyon bref baze lo paragraf 1-3, diskit paragraf 4-13 avek lodyans. Si letan i permet, lir paragraf 7, 8, 11, ek 12. Enkli en entervyou avek enn ou de paran. Kwa ki ed zot fanmiy pour annan en progranm spirityel regilye? Ki zefor ki zot in bezwen fer? Ki mannyer zot in benefisye? Konklir avek bann komanter bref baze lo paragraf 14.

Kantik 31 ek lapriyer final.

Semenn le 25 Novanm

Kantik 16

10 min: Lanons lokal. En koup marye ki pe travay ansanm dan predikasyon i demontre konman pour servi sizesyon lo paz 8 pour ofer magazin le 15 Novanm ek le 22 Novanm. Sa mari i prezant Latour Veyer, e sa madanm i prezant Réveillez-vous!

15 min: “Fer konnen Laverite lo Zezi.”b Enkli komanter dan liv Lekol Minister, paz 278. Ankouraz tou dimoun pour anmenn sa liv avek zot pour lot Renyon Servis pour sa prezantasyon apele “En Lekol ki ekip nou pour sa ki pli enportan dan Lavi.”

20 min: “Montre Lentere dan ‘bann Garson ki napa Papa.’ ” Pour sa premye trwa minit koz lo fason ki Zeova i vwar bann garson ek fiy ki napa papa, baze lo paragraf 1 e osi dan Étude Perspicace, Volim 1, paz 816 an Angle oubyen Volim 2, paz 459 an Franse. Apre fer larestan sa prezantasyon par kestyon ek larepons. Fer resorti bann fason pratik ki lezot i kapab ofer lasistans ek lankourazman. Ler pe diskit paragraf 3-4, enkli bann komanter bref dan Réveillez-vous! le 8 Oktob, 1995, paz 8-9.

Kantik 142 ek lapriyer final.

Semenn le 2 Desanm

Kantik 213

8 min: Lanons lokal. Rapel bann proklanmater pour remet zot rapor predikasyon pour mwan Novanm. Fer en demonstrasyon pour montre konman pour prezant sa liv Mon Liv Zistwar Labib avek en zenn. Ou kapab servi sa sizesyon: “Sa liv i montre konman Bondye i kapab protez son bann serviter fidel. [Vir lo zistwar 79.] Zeova ti protez Danyel dan trou lyon. Eski ou krwar ki Bondye pou sov son pep par met en lafen avek mesanste dan lavenir?” Apre ki sa dimoun in reponn, ou devret vir lo zistwar 114 pour montre ki Zeova pou detri mesanste e sov son pep.

12 min: “Eski nou devret servi Nouvo Testaman an Kreol Seselwa?” Diskour par en ansyen. Eksplike akoz nou ganny ankouraze pour servi sa tradiksyon dan bann renyon oubyen dan predikasyon. Ankouraz tou bann ki pou fer Ekspoze No. 2 dan Lekol Minister Teokratik pour servi sa tradiksyon an Kreol Seselwa.

25 min:  “En Lekol ki ekip nou pour sa ki pli enportan dan Lavi.” Diskisyon avek lodyans pour ganny prezante par sirveyan lekol. Ogmant lantouzyasm pour nouvo progranm lekol ki pou konmans an Zanvye. Met lanfaz lo bann laspe “Progranm Lekol Minister Teokratik pour 2003,” dan sipleman Nou Minister Rwayonm Oktob 2002. Mansyonn ki fodre fer pour kapab antre dan lekol, ki trouve dan liv Lekol Minister, paz 282, e ankouraz bann ki pa ankor fer li pour antre si zot kalifye.

Kantik 127 ek lapriyer final.

[Not anba lo paz]