Progranm Renyon Servis

Semenn le 9 Desanm

Kantik 193

12 min: Lanons lokal. Lanons apropriye dan Nou Minister Rwayonm. Par servi sizesyon lo paz 8, fer de demonstrasyon lo konman pour prezant Latour Veyer le 1 Desanm ek Réveillez-vous! le 8 Desanm.

15 min: “Proklanm Mesaz Rwayonm.”a Ler pe diskit paragraf 3, enkli bann sizesyon lo konman pour lir direkteman dan Labib ler pe partaz sa bon nouvel.—km 12/01 p. 1 par. 3.

18 min: Raport Fri dan tou bon Travay. Diskour avek partisipasyon lodyans. Prezante par en ansyen. Revwar listwar ek progre kongregasyon, enkli bann zefor ki’n anmenn ver formasyon sa kongregasyon. Fer laranzman davans pour ki serten ki ti la pandan sa letan i rakont bann leksperyans ankourazan. Konsider posibilite pour plis ogmantasyon, e ankouraz tou dimoun pour siport bann aktivite kongregasyon avek devouman.

Kantik 119 ek lapriyer final.

Semenn le 16 Desanm

Kantik 29

10 min: Lanons lokal. Rapor kont. Fer resorti laranzman predikasyon pour le 25 Desanm ek le 1 Zanvye.

15 min: Bann ki annan Disernman pou konpran. (Dan. 12:3, 10) En demonstrasyon. Sa dimoun enterese i demande: “Ki mannyer mon kapab asire ki ou konpran korekteman sa ki Labib i ansennyen?” Sa proklanmater i eksplike konman pour fer resers biblik par topik. (w96-Angle/Franse 15/5 p. 19-20) Par servi enn oubyen de legzanp dan liv Comment raisonner, paz 112-17 an Angle e paz 403-8 an Franse, i montre konman nou’n arive konpran plan Bondye pour later, par byen analiz bann verse Labib. Sa proklanmater i eksplike konman sa menm metod i kapab ganny servi pour konpran korekteman lezot lansennyman Labib e apre ofer en letid Labib.

20 min: “Pa oubliy bann Frer ek Ser fidel ki aze.”b Enkli komanter lo Latour Veyer le 1 Out 1994, paz 29 (Angle/Franse). Mansyonn sa laranzman pour bann ki malad i kapab raport menm zis 15 minit predikasyon dan en mwan. Fer laranzman pour ennde rakont bann leksperyans ki montre konman ki frekant sa bann dimoun koumsa in anmenn en lankourazman pour toulede kote.

Kantik 154 ek lapriyer final.

Semenn le 23 Desanm

Kantik 148

10 min: Lanons lokal. Par servi bann sizesyon lo paz 8, demontre konman pour prezant Latour Veyer le 15 Desanm an Angle oubyen Franse ek Réveillez-vous! le 22 Desanm. Ankouraz tou dimoun pour get sa video No Blood—Medicine Meets the Challenge an preparasyon pour diskisyon dan Renyon Servis semenn le 6 Zanvye.

15 min: Bezwen lokal.

20 min: “Eski ou kontribye pour fer en Rapor egzakt?”c Kan pe diskit paragraf 2, enkli komanter baze dan liv Notre Ministère, paz 106-8.

Kantik 165 ek lapriyer final.

Semenn le 30 Desanm

Kantik 152

15 min: Lanons lokal. Rapel bann proklanmater pour remet zot rapor predikasyon pour mwan Desanm. Si ou kongregasyon pou sanz ler renyon pour sa nouvo lannen ki pe vini, silvouple ankouraz tou dimoun pour asiste renyon regilyerman kantmenm ler in sanze. Mansyonn piblikasyon ki pou ofer pour mwan Zanvye e port latansyon lo bann liv ki kongregasyon i annan an stok. Ankouraz tou dimoun pour byen servi sa trak: Eski ou ti a kontan konn plis lo Labib? Fer resorti bann pwen enportan dan sa lartik Nou annan en nouvo Zouti pour konmans Letid! (km 11/01 paz. 3-4). Prepar en pti demonstrasyon.

15 min: Reviz sa Liv Ador Bondye. Diskour ek diskisyon avek lodyans. Eksplik laranzman ki’n ganny fer pour ki sa nouvo liv i ganny servi konman en dezyenm liv letid. (km 6/00 p. 4 par. 5-6) Envit lodyans pour fer komanter lo serten laspe sa piblikasyon ki zot in apresye. Fer resorti ki serten porsyon sa liv in servi kestyon ek teks Labib ki pou fer sa etidyan reflesir oprofon lo Parol Bondye. Montre sa legzanp ki ganny trouve lo paz 47-9, paragraf 13.

15 min: ‘Move Frekantasyon i gat bann bon Labitid.’ Diskour ek en demonstrasyon par en ansyen. En ansyen i apros en adolesan konsernan en sanzman dan son latitid an rapor avek son laparans ek divertisman. Atraver sa diskisyon, sa ansyen i rekonnet ki son frekantasyon i kapab enn bann rezon akoz sa sanzman. Avek bann bon kestyon, i ed sa adolesan eksprim li. An servan Index anba tit Association (move), ek en lartik ki koz lo sa size, i montre danze ki sa kalite frekantasyon i kapab anmennen. I donn konsey pratik e reasir sa proklanmater lanmour Zeova. I montre lenportans pour fer vre zanmi avek bann dimoun ki kontan Zeova. Sa ansyen i adres konklizyon sa diskisyon avek kongregasyon, par montre bann zenn ek paran ki konsey Labib i ranpli avek lasazes.

Kantik 147 ek lapriyer final.

Semenn le 6 Zanvye

Kantik 67

10 min: Lanons lokal. Fer resorti tenm Lasanble Distrik 2003 ki pou ganny fer le 29-31 Out, 2003 dan Sant Konferans Enternasyonal. En bon laranzman pou ed nou pour asiste tou le trwa zour.

20 min: Led pour obeir Lalwa Bondye lo Disan. Diskour par en ansyen kalifye, baze lo plan ki’n ganny fourni par biro brans. Sekreter i devret annan dekwa sa bann kart swivan pour distribye: Advance Medical Directive/Release Card, ek Identity Card. Sa bann dokiman pou disponib avek proklanmater batize apre renyon ozordi swar, me zot PA devret ganny ranpli ozordi menm. Bann prosedir sinyen, temwen, e met dat lo kart pou ganny fer dan prosen Letid Liv Kongregasyon, avek lasistans sirveyan letid liv si i neseser. Bann Identity Cards, i devret ganny donnen avek bann paran pour zot zanfan. Bann ki pe sinyen konman temwen i devret vwar sa dimoun siny sa dokiman. Bann proklanmater non batize i kapab ekrir zot prop lenstriksyon pour zot menm ek zot zanfan par adapte sa bann dokiman avek zot prop sirkonstans ek konviksyon.

15 min: “Ou devret get sa Video No Blood—Medicine Meets the Challenge.” Pour ganny prezante par en ansyen kalifye. Konmans direkteman avek en diskisyon avek lodyans lo sa video No Blood an servan bann kestyon ki’n ganny fourni dan sa bwat lo paz 4. Apre sa, lir dernyen paragraf dan sa bwat.

Kantik 79 ek lapriyer final.

[Not anba lo paz]