Lanons

◼ Piblikasyon pour ofer an Fevriye: Nou pou ofer sa nouvo liv Approchez-vous de Jéhovah. Bann kongregasyon ki napa sa nouvo piblikasyon i kapab ofer La Bible: Parole de Dieu ou des hommes. Mars: Konnesans Ki Anmenn ver Lavi Eternel, e fer en zefor spesyal pour konmans bann letid Labib kot lakour. Avril ek Me: Latour Veyer ek Réveillez-vous! Kan nou pe fer retourn vizit kot bann dimoun enterese, ki kapab enkli vizit bann ki ti asiste Memoryal oubyen lezot levennman teokratik me ki pa pe asosye avek kongregasyon, nou kapab ofer sa liv Ador sa sel vre Bondye. Nou devret fer tou zefor posib pour konmans en letid Labib, sirtou si sa bann dimoun in deza etidye liv Konnesans ek brosir Ekspekte.

◼ Sirveyan prezidan oubyen en dimoun ki i’n dezinyen, i devret odit bann kont kongregasyon le 1 Mars oubyen osito apre sa dat. Enform kongregasyon ki sa in ganny fer, kan prosen rapor kont i ganny lir. Lir okenn resi pour donasyon ki kongregasyon in fer pour travay mondyal e okenn lezot fon ki sa lorganizasyon in donnen.

◼ Sekreter ek sirveyan servis i devret egzamin aktivite tou bann pionye ordiner. Si i annan okenn pionye ki pe ganny difikilte pour ganny zot ler, bann ansyen i devret aranze pour donn lasistans. Pour sizesyon, revwar let annyel Lasosyete S-201. Vwar osi paragraf 12-20 dan Nou Minister Rwayonm Out 1986.

◼ Tenm diskour piblik spesyal pour sezon Memoryal 2003 pou entitile “Eski Ler Zizman Babilonn in arive?” Vwar menm lanons dan Nou Minister Rwayonm Septanm 2002.

◼ Vi ki laplipar proklanmater pa resevwar zot magazin atraver labonnman, i enportan pour bann kongregasyon distribye bann dernyen nimero Latour Veyer ek Réveillez-vous! osito ki zot resevwar. Sa pou permet bann proklanmater annan zot kopi personnel e vin familye avek konteni avan ki zot ofer bann magazin dan predikasyon.