En Video ki pou ekler ou e motiv ou!
I ti Avril 1951. Plizyer milye Temwen Zeova an Linyon Sovyetik, enkli bann fanmiy antye, ti ganny rasanble e ganny mete dan bann tren, e ganny anvoye an egzil Siberi. Akoz gouvernman Sovyetik pwisan ti determinen pour detrir zot? Konman nou bann frer ti sirviv e menm prospere kantmenm zot ti britalman ganny persekite pour bokou lannen? Ou pou vwar larepons dan sa video Faithful Under Trials—Jehovah’s Witnesses in the Soviet Union. Get sa video, e les son mesaz motiv ou pour gard ou fidelite avek Zeova, nenport kwa ki kapab arive!
Eski ou kapab reponn sa bann kestyon? (1) Kan ki Temwen Zeova ti ganny rekonnet ofisyelman Larisi pour premye fwa? (2) Avan e apre dezyenm Lager Mondyal, ki mannyer ti arive annan plizyer milye fanmiy Temwen Linyon Sovyetik? (3) Konman ki zot krwayans ti direkteman vin an konfli avek filozofi Lenin? (4) Kwa sa Operation North, e ki Stalin ti ekspekte akonpli atraver sa kanpanny? (5) Ki legzil ti vedir pour bann Temwen, e ki zot ti ganny dir pour fer pour zot pa al an egzil? (6) Pandan sa gran vwayaz tren pour al Siberi, konman ki nou bann frer ek ser ti ankouraz kanmarad e sirprann bann ki ti’n atrap zot? (7) Ki soufrans ki bann Temwen ti andire an Siberi? (8) Ki provizyon spirityel ki pep Zeova ti atas en gran valer avek, e akoz? (9) Akoz nou bann frer ti pare pour riske zot lavi pour zot kapab resevwar zot piblikasyon? Konman zot ti reisi malgre zefor kontinyel ki bann lotorite ti fer pour anpes zot resevwar zot piblikasyon? (10) Ki mannyer Khrushchev ti kontinyen atak pep Bondye? (11) Konman ki lotorite ti esey detrir lafwa bann zanfan Temwen? (12) Ki nou bann frer ek ser ti klerman konpran konsernan rezon akoz zot ti ganny persekite? (Annuaire 2002, paz 203-4) (13) Konman ki sa latak sever lo lorganizasyon Bondye ti refoul lo sa bann persekiter? (Annuaire 2002, paz 220-1) (14) Kwa ki ti vin en realite ki oparavan ti zis en rev pour bann Temwen dan ansyen Linyon Sovyetik? (15) Kwa ki ti ed nou bann frer ek ser andir zot leprev, e konman sa dernyen senn dan sa video i montre ki Zeremi 1:19 i vre? (16) Rakont enn parmi bann leksperyans fidelite dan leprev ki’n sirtou motiv ou.