Progranm Renyon Servis
Semenn le 10 Mars
Kantik 5
10 min: Lanons lokal. Lanons apropriye dan Nou Minister Rwayonm. Par servi sizesyon lo paz 10, demontre konman pour prezant Latour Veyer le 1 Mars ek Réveillez-vous! le 8 Mars. Dan sak prezantasyon, tou le de magazin i devret ganny ofer konman en per, menm si zis enn ki ganny prezante.
15 min: Benefisye avek Annuaire 2003. Diskour ek diskisyon avek lodyans. Diskit bann pwen enportan dan “En Let sorti kot Konsey Direkter,” ki’n ganny enprimen dan sa nimero Nou Minister Rwayonm. Fer laranzman davans pour detrwa proklanmater rakont bann rapor ek leksperyans ki zot vwar i sirtou ankourazan e ki ranforsi zot lafwa. Mansyonn bann pwen enportan dan rapor mondyal. Ankouraz bann fanmiy pour lir sa liv antye gradyelman pandan lannen. Sizer bann fason ki nou kapab servi sa liv pour diriz bann nouvo ver lorganizasyon Zeova e ankouraz zot pour asiste bann renyon.
20 min: “Annou devoue pour fer sa ki byen!”a (Paragraf 1-12) Apre ki paragraf 6 in ganny egzaminen, briyevman demontre konman en proklanmater i envit en manm son fanmiy, vwazen, kanmarad lekol, oubyen koleg travay pour asiste Memoryal, par servi sa fey lenvitasyon. Si fey lenvitasyon pa ankor ganny distribye, i devret disponib apre renyon.
Kantik 19 ek lapriyer final.
Semenn le 17 Mars
Kantik 34
10 min: Lanons lokal. Rapor kont.
15 min: Konn swazir byen lekel ki ou pou frekante. Diskour par en ansyen baze lo Réveillez-vous! le 22 Fevriye, 1997, paz 13, e sa lenformasyon anba soutit “Les mauvaises compagnies” lo paz 192 dan liv Comment raisonner. Montre konman ki sa bann prensip i aplik pour bann zenn osi byen ki pour bann adilt. Fer resorti bann byenfe pour swazir konman zanmi bann ki kontan Zeova e ki demontre ki zot pe fer zefor pour obeir son bann standar.
20 min: “Annou devoue pour fer sa ki byen!”b (Paragraf 13-26) Pour ganny trete par sirveyan prezidan. Kan pe konsider paragraf 14, fer en demonstrasyon bref kot en ansyen pe fer en vizit ankourazan kot en frer ki malad. I zantiman eksplik sa frer konman i kapab partisip dan bann aktivite ki kongregasyon in organize pour sa sezon Memoryal.
Kantik 53 ek lapriyer final.
Semenn le 24 Mars
Kantik 72
10 min: Lanons lokal. Par servi sizesyon lo paz 10, demontre konman pour prezant Latour Veyer le 15 Mars (Angle/Franse) ek Réveillez-vous! le 22 Mars.
15 min: Bezwen lokal.
20 min: Temwen Zeova—En bon Lenfliyans dan Kominote. Diskour ek diskisyon avek lodyans. Parfwa nou ganny loportinite pour montre konman nou minister ek nou legzanp i benefisye kominote. Envit lodyans pour fer komanter lo sa bann pwen swivan: (1) Nou ansenny dimoun pour viv dapre bann standar Labib lo moralite. (2) Nou ansenny lonnekte ek respe pour lotorite. (3) Nou ansenny larmoni ant bann ras, nasyonalite, ek group sosyal. (4) Nou ed lezot pour amelyor zot lavi fanmiy par ankouraz zot pour aplik bann prensip Labib. (5) Nou’n ansenny plizyer milye konman pour lir e ekrir. (6) Nou fer bokou zefor pour ed lezot dan bann moman dezas. (7) Nou’n zwe en rol enportan pour garanti liberte relizye ki tou lezot dimoun osi i benefisye avek.—Vwar liv Prédicateurs, paz 699.
Kantik 121 ek lapriyer final.
Semenn le 31 Mars
Kantik 130
12 min: Lanons lokal. Rapel bann proklanmater pour remet zot rapor servis pour mwan Mars. Mansyonn bann piblikasyon ki pour ofer an Avril. Reviz “Servi Liv Ador Bondye pour kondwir bann Letid Labib.” Diskit bann pwen enportan dan “Bann Rapel pour Memoryal.”
13 min: Leksperyans lokal. Envit kongregasyon pour rakont bann leksperyans ki zot in gannyen pandan mwan Mars kot ti annan plis aktivite. Felisit zot pour zot zefor, e ankouraz tou proklanmater pour partisip otan ki zot sirkonstans i permet zot pandan mwan Avril.
20 min: “Zeova i vreman merite ganny loue.”c Met lanfaz lo lenportans Memoryal. Montre konman ki nou tou nou kapab kontribye pour ed lezot asiste Memoryal. Eksplike kwa ki kapab ganny fer pour kontakte bann inaktif pour renouvle zot lentere. Envit lodyans pour rakont okenn leksperyans ankourazan ki zot in gannyen an rapor avek Memoryal lannen pase.
Kantik 173 ek lapriyer final.
Semenn le 7 Avril
Kantik 191
10 min: Lanons lokal.
15 min: Konman pour rezonn avek dimoun par servi Labib. Diskisyon avek lodyans. Konman nou kapab devlop sa abilite pour rezonn avek dimoun dan en fason efikas dan minister? (1) Ganny en bon konnesans lo Labib atraver letid personnel e par asiste regilyerman bann renyon. (2) Reflesir lo sa ki ou aprann, egzamin laverite dan diferan laspe. (3) Pa rod zis leksplikasyon pour bann verse me osi rezon sorti dan Labib pour sa bann leksplikasyon. (4) Mazinen konman ou pou eksplik bann verse avek diferan kalite group dimoun. (5) Mazinen konman ou kapab servi legzanp pour fer resorti serten pwen.
20 min: “Konman Laverite i liber nou.”d Enkli komanter dan sa bwat lo paz 6 dan Latour Veyer, 1 Oktob, 1998 (Angle/Franse). Envit lodyans pour fer komanter lo konman laverite dan Parol Bondye in fer zot lib.
Kantik 217 ek lapriyer final.
[Not anba lo paz]
a Limit lentrodiksyon dan mwens ki en minit, e pourswiv avek en diskisyon par kestyon ek repons.
b Limit lentrodiksyon dan mwens ki en minit, e pourswiv avek en diskisyon par kestyon ek repons.
c Limit lentrodiksyon dan mwens ki en minit, e pourswiv avek en diskisyon par kestyon ek repons.
d Limit lentrodiksyon dan mwens ki en minit, e pourswiv avek en diskisyon par kestyon ek repons.