Revizyon Pour Lekol Minister Teokratik
Sa bann kestyon swivan pou ganny egzaminen oralman dan Lekol Minister Teokratik pandan semenn le 28 Avril, 2003. Sirveyan lekol pou kondwir en revizyon 30 minit baze lo lenformasyon ki’n ganny trete dan bann ekspoze depi semenn le 3 Mars ziska le 28 Avril, 2003. [Not: Kot napa referans apre kestyon, ou pou bezwen fer ou prop resers pour trouv larepons.—Vwar liv Lekol Minister, p. 36-7.]
PWEN LANSENNYMAN
1. Nonm bann keksoz ki kapab fer en dimoun koz avek difikilte. [be p. 93] (1) Pa familye avek serten mo; (2) bann poz dan tro bokou landrwa; (3) mank preparasyon; (4) pa organiz lenformasyon dan en fason lozik; (5) en vokabiler limite; (6) tro bokou mo i ganny aksantye; (7) pa konn byen bann lareg granmer.
2. Vre oubyen Fo: Nou devret evite fer poz akoz i kapab fer dimoun perdi konsantrasyon e donn zot loportinite pour enteronpe. Eksplike. Fo. Fer bann poz dan bann landrwa apropriye pou ede fer bann pwen enportan evidan. Bann tel poz i montre ki ou annan en keksoz pour dir ki vo lapenn tande e ki vo lapenn rapel, ki alors fer en lenpresyon dirab. [4, be p. 97-8]
3. Ki lenportans lanfaz apropriye i annan pour en orater oubyen en lekter piblik? (Nee. 8:8) [be p. 101] Lanfaz apropriye i fer en prezantasyon vin pli kler e kontribye pour mentenir latansyon en lodyans, pour persyad, oubyen motiv zot. (Lide zeneral i sifi.)
4. Ki mannyer en dimoun i kapab devlop sa abilite pour met lanfaz ler i apropriye? [be p. 102-3] En dimoun i kapab devlop lanfaz apropriye par byen etidye sa lenformasyon ki bezwen ganny lir, par idantifye bann mo ek group mo kle dan bann fraz ki bezwen ganny aksantye, par remark bann sanzman panse, e par gard antet bann pwen prensipal ki lodyans pou bezwen rapel. (Lide zeneral i sifi.)
5. Ki bann lide prensipal ki devret ganny aksantye ler pe lir en piblikasyon aotvwa dan en letid Labib oubyen dan en renyon kongregasyon? [be p. 105] Larepons bann kestyon ek bann panse ki relye avek bann soutit an gro lekritir nwanr anba ki sa lenformasyon i ete. (Lide zeneral i sifi.)
EKSPOZE NO. 1
6. Ki bann paran i kapab fer pour form zot zanfan “afen ki zot kapab ekoute e afen ki zot kapab aprann” dan bann renyon Kretyen? (Det. 31:12) [be p. 16] (1) Paran i kapab anmenn zot zanfan tou bann renyon kongregasyon, ek bann lasanble. (2) Dan lakour, zot kapab organiz bann moman kot zanfan i asiz trankilman e get portre oubyen lir. (3) Kan i posib, zot kapab donn zot zanfan kopi piblikasyon ki pou ganny servi dan renyon e ed zot pour prepare e partisipe dan renyon. (Lide zeneral i sifi.)
7. Kisisa paradi spirityel? [w01 1/3 p. 8-10 (Angle/Franse)] Paradi spirityel i refer avek sa lanvironnman ki “ranpli avek konnesans Zeova” e kot “fri lespri” i ganny demontre an abondans. Sa kondisyon i permet en dimoun rezwir lape avek Bondye e avek son prosen. (Lide zeneral i sifi.)—Iza. 11:9; Gal. 5:22, 23.
8. Konman ki Proverb 8:1-3 i montre ki lasazes Bondye i disponib pour tou dimoun, e dapre Kolosyen 2:3, kote i kapab ganny trouve? [w01 15/3 p. 25, 28 (Angle/Franse)] Dan Labib lasazes Bondye i ganny dekrir konman pe “kriye,” e “i’n stasyonnen” nenport landrwa kot dimoun i ete. I disponib dan bann landrwa piblik, tel parey kot bann baro ek larantre en lavil. Tou sa ki en dimoun i bezwen konnen pour li kapab demontre lasazes Bondye in ganny demontre atraver Zezi. (Lide zeneral i sifi.)—Akt 4:12.
9. Ki mannyer nou kapab fer dimoun konn non Bondye? (Zan 17:6) [be p. 273-5] Nou kapab fer konn sa vre Bondye par son non dan nou konversasyon olye ki senpleman servi bann tit parey “Bondye” oubyen “Senyer.” Nou kapab montre dimoun non Bondye dan Labib e dan lezot landrwa, tel parey bann lekritir lo bann batiman piblik. I osi enportan pour port zot latansyon lo drwa pour dirize, plan, bann kalite, ek standar sa Enn ki ganny idantifye par sa non. (Lide zeneral i sifi.)
10. Ki detay enportan dimoun i bezwen konnen konsernan sa “Bonn Nouvel Rwayonm”? (Mat. 24:14) [be p. 279-80] Dimoun i bezwen konnen ki an 1914, Zezi ti ganny etablir konman Lerwa Rwayonm Bondye. Apre sa, Dyab ek son bann demon ti ganny zete lo later. Nou dan bann dernyen zour sa sistenm, e byento Rwayonm Bondye pou pran aksyon definitif pour debaras later avek tou bann ki opoz drwa Bondye pour dirize. I pou osi etablir en nouvo lemonn drwat. (Lide zeneral i sifi.)—Dan. 2:44; 7:13, 14; Rev. 12:7-10; 21:2-4.
LEKTIR LABIB LASEMENN
11. (a) Dan premye syek, lekel ki ti sa ‘keksoz abominab’ ki ganny mansyonnen dan Mark 13:14? Larme Romen avek son bann lanblenm. Sa bann lanblenm ti an realite bann zidol e zot ti degoutan pour bann Zwif. (Lide zeneral i sifi.) (b) “Enstale la kot i pa devre ete” i refer avek kwa? Son latak lo Zerizalenm ek tanp an 66 N.L. [2, w99 1/5 p. 15 par. 6]
12. Konman ki Levanzil Lik i montre ki Zezi ti zeritye tronn David dapre nesans? (Lik 3:23-38) [w92 1/10 p. 9 par. 3 (Angle/Franse)] Lik i tras zanset Zezi lo kote son manman, Mari, depi David. De lot kote, resi Matye i tras zanset Zezi depi David lo kote son papa adoptif, Zozef, ki montre ki Zezi ti en zeritye legal tronn David. (Lide zeneral i sifi.)
13. Ki pwen Zezi ti oule fer resorti dan Lik 12:2? Menm si bann Farizyen ti pe pretann ki zot fidel, zot mesanste ti pou finalman ganny devwale. Plitar, bann disip Zezi ti pou ekspoz lipokrizi bann Farizyen avek lardyes menm si sa ti pou kapab kout zot lavi. (Lide zeneral i sifi.)—Lik 12:3-5. [6, gt 77]
14. Dan sa legzanp ki Zezi ti servi konsernan larzan perdi, akoz reaksyon bann lanz i remarkab? (Lik 15:10) Ki lefe zot legzanp i devret fer lo nou? Dan sa legzanp, bann peser ki ti’n perdi i ganny sa lespwar pour vin manm Rwayonm seles Bondye. An rezilta, zot arive ganny en pozisyon pli siperyer ki bann lanz! Me olye zalou oubyen santi zot ganny neglize, avek limilite sa bann lanz i rekonnet ki sa bann imen peser in sirmont e fer fas avek bann sitiasyon ki pou ekip zot pour servi dan lesyel konman bann lerwa ek pret ki annan konpasyon ek mizerikord. (Lide zeneral i sifi.) [7, gt 85]
15. Lekel sa de lalyans ki ganny mansyonnen dan Lik 22:29 dan Traduction du monde nouveau? Parol Zezi, “mon fer en lalyans avek zot” i refer avek sa lalyans Rwayonm ki Zezi ti fer avek son bann disip. Son parol, “zis parey mon Papa ti fer en lalyans avek mwan,” i aparaman refer avek lalyans ki Zeova in fer avek li pour vin en pret parey Melkisedek, parey i ganny mansyonnen dan Psonm 110:4. (Lide zeneral i sifi.) [9, w98 1/2 p. 17 par. 18; it-1-E p. 524, it-1-F p. 80]