Progranm Renyon Servis

Semenn le 10 Novanm

Kantik 212

10 min: Lanons lokal ek Lanons apropriye dan Nou Minister Rwayonm. Fer de demonstrasyon vivan lo konman pour servi bann sizesyon lo paz 4 pour prezant Latour Veyer le 1 Novanm ek Réveillez-vous! le 8 Novanm. Dan sak demonstrasyon, tou le de magazin i devret ganny ofer ansanm, menm si zis enn ki ganny prezante. Dan enn ant le de demonstrasyon, enkli en leksplikasyon lo konman nou travay mondyal i ganny finanse.—Vwar p. 2 dan Latour Veyer, ouswa p. 5 dan Réveillez-vous!

15 min: “Met zot pare.” a Envit lodyans pour dir kwa ki’n ed zot pour pa les bann lenkyetid ek distraksyon pran zot letan ki ti pou pli byen ganny depanse dan bann aktivite spirityel.

20 min: Ki mannyer ou swazir ou Zanmi? Diskisyon avek lodyans baze lo liv Ador Bondye, paz 47-9. Par servi bann kestyon ek bann verse Labib ki’n ganny mansyonnen dan paragraf 13, envit lodyans pour fer komanter lo bann prensip Labib ki devret gid nou pour swazir nou zanmi.

Kantik 127 ek lapriyer final.

Semenn le 17 Novanm

Kantik 96

12 min: Lanons lokal. Entervyou de oubyen trwa proklanmater ki’n ganny bann leksperyans enteresan dan predikasyon letan zot in servi piblikasyon ki pe ofer sa mwan. Serten in kapab konmans bann letid Labib.

15 min: Devlop en Leta Lespri pour donnen. En diskour par en ansyen, baze lo Latour Veyer le 1 Novanm, 2003, paz 27-30 (Angle/Franse).

18 min: “Felisitasyon i ankouraz nou.”b Enkli bann komanter dan liv Fanmiy Ere, paz 49-50, paragraf 21. Envit serten dimoun ki’n ganny ankouraze par felisitasyon lezot pour fer bann komanter bref.

Kantik 58 ek lapriyer final.

Semenn le 24 Novanm

Kantik 213

12 min: Lanons lokal. Rapor kont. Fer de demonstrasyon lo konman pour servi bann sizesyon lo paz 4 pour prezant Latour Veyer le 15 Novanm (Angle/Franse) ek Réveillez-vous! le 22 Novanm. En lot verse Labib apard ki sa enn ki’n ganny sizere lo paz 4 i kapab ganny servi. Dan sak demonstrasyon, tou le de magazin i devret ganny ofer ansanm, menm si zis enn ki ganny prezante. Dan enn ant le de demonstrasyon, montre kot pe ofer bann magazin enformelman dan transpor piblik ouswa dan lezot senn lokal apropriye.

10 min: Kwen Kestyon. Diskour par en ansyen.

23 min: “Devlop en Relasyon entim avek Zeova.” c Servi kestyon ki’n ganny fourni. Fer lodyans eksplike konman sa bann verse Labib i apropriye. Fer laranzman davans pour ki enn ouswa de proklanmater i dir kwa ki’n ed zot pour amelyor kalite zot letid Labib.

Kantik 202 ek lapriyer final.

Semenn le 1 Desanm

Kantik 138

10 min: Lanons lokal. Rapel bann proklanmater pour remet zot rapor servis pour mwan Novanm. Mansyonn piblikasyon ki pour ofer an Desanm. Briyevman revwar enn ouswa de prezantasyon. Ou kapab osi montre konman pour ofer liv Mon Liv Zistwar Labib. Eksplike konman bann proklanmater i kapab servi Index des publications de la Société Watch Tower pour vwar plis prezantasyon.—Vwar Nou Minister Rwayonm Septanm 2001, p. 2.

15 min: Bezwen lokal.

20 min: Byen kalifye pour ansenny Lezot. Diskisyon avek lodyans baze lo Latour Veyer le 1 Zen, 2000, paz 16-17, paragraf 9-13 (Angle/Franse). En bi prensipal dan nou minister se pour kapab ansenny avek efikasite. Pour nou reisi ed bann ki senser i depan lo nou abilite pour transmet mesaz Rwayonm dan en fason ki enform e motiv zot. Diskit sa bann kestyon swivan: (1) Ki diferans i annan ant prese ek ansennyen? (it-2-E p. 672, par. 2; it-2-F p. 632, par. 3) (2) Akoz serten i ezite pour esey kondwir en letid Labib? (3) Konman nou kapab amelyor nou abilite pour ansennyen? (4) Ki mannyer nou kapab asire ki nou etidyan pe konpran sa ki i pe aprann? (5) Ki lobzektif nou devret esey ed sa etidyan pour akonpli?

Kantik 70 ek lapriyer final.

[Not anba lo paz]