Progranm Renyon Servis
Not: Nou Minister Rwayonm pou progranm en Renyon Servis pour sak semenn pandan bann mwan ki pe vini. Bann kongregasyon i kapab fer bann azisteman neseser pour kapab asiste Lasanble Distrik “Mars avek Bondye.” Kot i apropriye, servi 15 minit dan dernyen Renyon Servis avan asiste lasanble pour revwar bann konsey enportan dan sipleman Nou Minister Rwayonm pour sa mwan ki aplik lokalman. Pandan mwan Oktob, en Renyon Servis antye pou ganny organize pour reviz bann pwen enportan lo progranm lasanble. An preparasyon pour sa diskisyon, nou tou nou ganny ankouraze pour pran bann not spesifik pandan lasanble, enkli en lalis bann pwen ki nou ti ava oule aplike personnelman dan nou lavi e dan predikasyon. Dan sa fason nou kapab ankouraz lezot par eksplike konman nou’n aplik sa bann sizesyon.
Semenn le 12 Avril
Kantik 93
10 min: Lanons lokal. Lanons apropriye dan Nou Minister Rwayonm. Par servi bann sizesyon lo paz 8, fer de demonstrasyon lo konman pour prezant Latour Veyer le 1 Avril ek Réveillez-vous! le 8 Avril. Dan sak demonstrasyon, tou le de magazin i devret ganny ofer ansanm, menm si zis enn ki ganny prezante. Dan sak demonstrasyon, demontre en diferan fason pour sirmont sa lobzeksyon “Mon okipe.”—Vwar liv Comment raisonner, paz 19-20.
15 min: “Annou donn Zeova sa ki pli meyer.”a Ler pe diskit paragraf 4, envit lodyans pour fer komanter lo bann fason presi ki mannyer nou kapab demontre lanmour pour lezot dimoun ler nou pe akonpli nou minister.
20 min: “Annou loue son Non ansanm.”b Pour ganny prezante par sekreter kongregasyon, par servi bann kestyon ki’n ganny fourni. Mansyonn dat ek ler ki sa lasanble pou konmanse. Konklir par demann de oubyen trwa kestyon dan sa lartik “Nouritir spirityel kan i ler,” ki pou ganny diskite dan prosenn Renyon Servis.
Kantik 91 ek lapriyer final.
Semenn le 19 Avril
Kantik 55
8 min: Lanons lokal.
17 min: “Imit Latitid Zezi.”c Servi bann kestyon ki’n ganny fourni. Ler pe diskit paragraf 4, envit bann ki pe fer pionye asistan pour fer komanter lo bann benediksyon zot in gannyen ler zot in fer sa.
20 min: “Nouritir spirityel kan i ler.”d Servi bann kestyon ki’n ganny fourni. Ler pe diskit paragraf 2, demann enn oubyen de dimoun dan lodyans pour briyevman fer komanter lo en lasanble inoubliyab ki zot in asiste. Konklir par demann de oubyen trwa kestyon dan sa lartik “Vin sen dan tou sa ki ou fer,” ki pou ganny diskite dan prosenn Renyon Servis.
Kantik 80 ek lapriyer final.
Semenn le 26 Avril
Kantik 46
12 min: Lanons lokal. Rapor kont. Rapel bann proklanmater pour remet zot rapor servis pour mwan Avril. Mansyonn piblikasyon ki pou ganny ofer mwan Me. Par servi bann sizesyon lo paz 8, demontre konman pour prezant Latour Veyer le 1 Me ek Réveillez-vous! le 22 Avril. Dan sak demonstrasyon, tou le de magazin i devret ganny ofer, menm si zis enn ki ganny prezante. Dan enn ant le de demonstrasyon, montre kot pe donn temwannyaz avek en koleg travay ouswa en kanmarad lekol.
15 min: Bezwen lokal.
18 min: “Vin sen dan tou sa ki ou fer.”e Servi bann kestyon ki’n ganny fourni. Envit lodyans pour fer komanter lo konman zot in obzerv sa bon kondwit dan bann lasanble ki’n anmenn louanz pour Zeova. Konklir par demann de oubyen trwa kestyon dan sa lartik “En Laparans desan e ki onor Zeova,” ki pou ganny diskite dan prosenn Renyon Servis.
Kantik 38 ek lapriyer final.
Semenn le 3 Me
Kantik 48
10 min: Lanons lokal. Fer komanter bref lo bann aktivite ki kapab ganny fer dan sa bann mwan ki pe vini: asiste lasanble distrik, fer pionye asistan, fer amelyorasyon kot lakour, e petet rezwir serten rekreasyon ansanm. Si kongregasyon i annan teritwar ki ganny rarman travay, anons bann laranzman ki pou ganny fer pour ki sa teritwar i ganny kouver. I neseser fer en bon plan pour ki letid fanmiy, bann renyon kongregasyon, ek predikasyon pa ganny neglize si nou vwayaze ouswa ki lezot aktivite dan sa bann mwan pa afekte nou progranm. (Prov. 21:5) Rapel tou proklanmater pour remet zot rapor servis, ki swa zot an vakans oubyen non.
15 min: “Bann Zenn—lir Parol Bondye!”f Fer laranzman davans pour ki enn oubyen de zenn i fer komanter lo zot progranm lektir Labib e konman zot benefisye. Ankouraz bann zenn pour fer li zot lobzektif pour lir Labib antye. Enkli bann komanter dan liv Lekol Minister, paz 10, paragraf 4.
20 min: “En Laparans desan e ki onor Zeova.”g Servi bann kestyon ki’n ganny fourni. Si i annan ase letan, lir e diskit bann verse Labib ki’n ganny mansyonnen.
Kantik 164 ek lapriyer final.
[Not anba lo paz]
a Limit lentrodiksyon dan mwens ki en minit, e pourswiv avek en diskisyon par kestyon ek repons.
b Limit lentrodiksyon dan mwens ki en minit, e pourswiv avek en diskisyon par kestyon ek repons.
c Limit lentrodiksyon dan mwens ki en minit, e pourswiv avek en diskisyon par kestyon ek repons.
d Limit lentrodiksyon dan mwens ki en minit, e pourswiv avek en diskisyon par kestyon ek repons.
e Limit lentrodiksyon dan mwens ki en minit, e pourswiv avek en diskisyon par kestyon ek repons.
f Limit lentrodiksyon dan mwens ki en minit, e pourswiv avek en diskisyon par kestyon ek repons.
g Limit lentrodiksyon dan mwens ki en minit, e pourswiv avek en diskisyon par kestyon ek repons.