Progranm Renyon Servis

Semenn le 13 Septanm

Kantik 43

10 min: Lanons lokal. Lanons apropriye dan Nou Minister Rwayonm. Si bann sizesyon lo paz 4 i itil dan ou teritwar, servi zot pour demontre konman pour prezant Latour Veyer le 1 Septanm ek Réveillez-vous! le 22 Out. Lezot prezantasyon i kapab ganny servi. Apre sak demonstrasyon, an bref fer resorti en laspe pozitif sa prezantasyon.

15 min: “Gard ou Lizye senp.”a Servi bann kestyon ki’n ganny fourni. Si i annan ase letan, fer resorti bann verse Labib ki’n ganny mansyonnen.

20 min: “Ranpli en Bezwen irzan pour Lasal Rwayonm.” Sa prezantasyon i devret ganny fer par kestyon ek repons par en ansyen kalifye. I pou osi fer komanter lo bwat “Diferan Pa pour konstri en nouvo Lasal Rwayonm.”

Kantik 162 ek lapriyer final.

Semenn le 20 Septanm

Kantik 88

10 min: Lanons lokal. Revwar bann pwen for dan rapor pour Sesel, ki lo paz 6 dan sa Minister Rwayonm. Ankouraz tou dimoun pour lir Nonm 16:1-35 e apre get sa video Respect Jehovah’s Authority an preparasyon pour Renyon Servis semenn le 4 Oktob.

15 min: Ki mannyer nou ti fer Lannen pase? Diskour par en ansyen baze lo rapor servis kongregasyon pour lannen servis 2004. Konsantre lo bann laspe pozitif sa rapor, e felisit kongregasyon pour bann bon keksoz zot in akonpli. Fer resorti bon travay ki bann pionye in fer. Mansyonn enn oubyen de domenn ki kongregasyon pou kapab donn latansyon dan sa lannen ki pe vini.

20 min: Andire pour fer sa ki byen. (Gal. 6:10) Entervyou de oubyen trwa pionye ordiner oubyen en proklanmater ki fer pionye asistan tanzantan. Ki bann lobstak zot in rankontre dan zot servis pour Zeova, e ki mannyer zot in kapab sirmonte? Kwa ki’n ed zot pour andire pour fer sa ki byen anver lezot? Ki mannyer zot bann zefor dan minister in benefisye zot menm ek lezot? Si i aplikab, enkli bann komanter lo sa ki’n ganny fer lokalman pour partaz sa bon nouvel avek bann dimoun ki koz lezot langaz. Felisit tou dimoun pour zot travay dir e fidel ek zot landirans.—1 Tesa. 1:2, 3.

Kantik 103 ek lapriyer final.

Semenn le 27 Septanm

Kantik 221

15 min: Lanons lokal. Rapor kont. Rapel tou proklanmater pour remet zot rapor servis pour mwan Septanm. Montre konman Latour Veyer le 15 Septanm (Angle/Franse) ek Réveillez-vous! le 8 Septanm i kapab ganny ofer.

10 min: Parol Zeova i vivan. En diskour. Pour ed nou benefisye plis avek sa progranm lektir Labib ki ganny progranmen pour Lekol Minister Teokratik, en seri lartik ki annan pour tit “Parol Bondye i vivan” in konmans aparet dan serten nimero Latour Veyer. Par servi Latour Veyer le 1 Oktob, 2004, paz 24-7, fer resorti bann pwen dan sa bann lartik. Apre en apersi, sa seksyon “Larepons pour bann Kestyon lo Labib” i eksplik serten verse Labib difisil. Bann komanter anba “Leson pour nou” i atir latansyon lo valer pratik sa lenformasyon dan lektir. Konsider ennde legzanp spesifik pour montre konman sa bann seri lartik pou ed nou pli byen konpran Parol Bondye. Ankouraz tou dimoun pour byen servi sa provizyon pandan ki nou konmans lir liv Deterononm semenn prosen.

20 min: “Servi byen Labib.”b Servi bann kestyon ki’n ganny fourni. Baz lentrodiksyon lo liv Lekol Minister, paz 145, paragraf 2-3. Enkli de demonstrasyon bref, enn en premye vizit e lot en retourn vizit, montre konman pour aplik bann sizesyon ki’n ganny donnen.

Kantik 38 ek lapriyer final.

Semenn le 4 Oktob

Kantik 5

5 min: Lanons lokal.

15 min: “Benefisye avek Letid Liv Apros avek Zeova.” Diskour par en sirveyan Letid Liv baze lo sa lartik. Letan pe diskit paragraf 3, lir e eksplik paragraf 23 lo paz 24 dan sa liv.

25 min: “Nou devret respekte Lotorite Zeova.” Lir Zid 11, limit lentrodiksyon pa plis ki de minit. Apre konmans direkteman avek en diskisyon avek lodyans par servi tou bann kestyon dan sa lartik. Fer resorti sa pwen ki pour kontinyen annan laprouvasyon Zeova, nou devret evit latitid rebel Kora e imit legzanp son bann garson, ki pa ti les nanryen vin avan zot fidelite anver Zeova.

Kantik 99 ek lapriyer final.

[Not anba lo paz]