Progranm Renyon Servis

Semenn le 11 Oktob

Kantik 219

10 min: Lanons lokal. Bann lanons sorti dan Nou Minister Rwayonm. Ankouraz tou dimoun pour repas lo zot bann not an preparasyon pour diskit sa progranm Lasanble Distrik, “Mars avek Bondye” dan nou lot Renyon Servis. Si bann sizesyon lo paz 8 i itil dan ou teritwar, servi zot pour demontre konman pour prezant Latour Veyer le 1 Oktob ek Réveillez-vous! le 22 Septanm. Ankouraz tou proklanmater pour enkli en teks Labib dan zot prezantasyon. Lezot prezantasyon ki apropriye dan nou teritwar i kapab ganny servi.

15 min: Pran Plezir pour ed lezot. (Zan 4:34) Entervyou. I en lazwa pour vwar en dimoun kontan ler i pe aprann laverite dan Parol Bondye. (w94 1/3 p. 29 par. 6-7) Entervyou de oubyen trwa proklanmater ouswa pionye ki servi Labib avek lefikasite dan predikasyon, pour konmans e kondwir bann Letid Labib. Ki mannyer zot devlop lentere bann ki zot vwar i enterese? Ki lazwa zot gannyen ler zot fer sa? Fer zot rakont oubyen montre ki mannyer zot ti fer sa dan predikasyon.

20 min: “En Kanpanny spesyal pour distribye nouvo Brosir.”a I devret ganny fer par sirveyan servis. Montre sa de prezantasyon ki’n ganny sizere. Dan en prezantasyon sa met lakour pa montre gran lentere dan sa mesaz, alor i ganny ofer en trak olye sa brosir.

Kantik 69 ek lapriyer final.

Semenn le 18 Oktob

Kantik 127

5 min: Lanons lokal. An bref repas lo bann laranzman ki’n ganny fer pour sa kanpanny spesyal pour distribye sa nouvo brosir.

40 min: “Lasanble Distrik i motiv nou pour mars avek Bondye.” I devret ganny fer par en ansyen. Apre ki ou’n fer en lentrodiksyon dan en minit oubyen mwens, fer diskisyon avek lodyans baze lo progranm lasanble par servi bann kestyon dan sa lartik. Kalkil byen letan pour ki tou kestyon i ganny reponn, petet ou kapab aksepte zis en larepons pour serten kestyon. I pa pou posib pour lir tou teks ki’n ganny mansyonnen; sa bann teks in ganny enkli pour trouv larepons fasilman. Komanter i devret santre lo bann byenfe ki nou gannyen, ler nou aplik sa ki nou’n aprann.

Kantik 165 ek lapriyer final.

Semenn le 25 Oktob

Kantik 56

10 min: Lanons lokal. Rapor kont. Demontre en prezantasyon ki pe permet nou reisi plas sa nouvo brosir dan nou teritwar. Si i annan letan, partaz serten leksperyans ki nou’n gannyen dan sa kanpanny spesyal.

15 min: Bezwen lokal.

20 min: Donn Levidans pour siport Parol Bondye. Diskisyon avek lodyans baze lo liv Lekol Minister, paz 256-7. Ki mannyer nou kapab servi bann levidans sorti dan lezot sours pour ed dimoun konpran ki Labib i fer sans? Envit lodyans pour fer komanter lo sa bann kestyon swivan: Ki legzanp dan liniver ki nou kapab servi pour montre ki i bezwen annan en Kreater? (rs-E p. 85-6; rs-F p. 73-4) Ki mannyer nou kapab servi komanter bann spesyalis oubyen eksper pour ed dimoun vwar ki Labib i vreman Parol Bondye? (rs-E p. 62-4; rs-F p. 55-57) Ki legzanp oubyen konparezon nou kapab servi pour ed dimoun konpran akoz Bondye i permet soufrans? (rs-E p. 429; rs-F p. 239) Ki leksperyans oubyen legzanp ki ou’n servi pour ed lezot rekonnet ki i saz pour swiv bann konsey Labib?

Kantik 62 ek lapriyer final.

Semenn le 1 Novanm

Kantik 15

10 min: Lanons lokal. Rapel tou proklanmater pour met zot rapor servis.

20 min: Ki mannyer pour ed bann ki koz en lot Langaz. Diskour ek diskisyon avek lodyans baze lo lentrodiksyon dan sa pti liv Good News for People of All Nations. Fer resorti bann laspe dan sa nouvo pti liv. Diskit sa trwa pa ki nou kapab pran pour ed bann ki koz en langaz ki nou pa konpran. Enkli bann komanter dan Nou Minister Rwayonm, Zilyet 2003, paz 4. Fer resorti ki sa form Please Follow Up (S-43) i devret ganny ranpli menm si sa dimoun pa montre okenn lentere dan sa mesaz Rwayonm. Fer en demonstrasyon pour montre konman pour servi sa nouvo pti liv.

15 min: Bann leksperyans lokal. Envit lodyans pour rakont bann leksperyans ki zot in gannyen pandan sa kanpanny spesyal pour distribye sa nouvo brosir. Fer laranzman davans pour montre bann leksperyans ki remarkab. Si sa brosir dan kongregasyon pe diminyen, demann bann ki annan kopi anplis pour retourn avek kot kontwar.

Kantik 175 ek lapriyer final.

[Not anba lo paz]