Revizyon Lekol Minister Teokratik
Sa bann kestyon swivan pou ganny egzaminen oralman dan Lekol Minister Teokratik pandan semenn le 28 Fevriye, 2005. Sirveyan lekol pou kondwir en revizyon 30 minit baze lo lenformasyon ki’n ganny trete dan bann ekspoze depi semenn le 3 Zanvye ziska le 28 Fevriye, 2005. [Not: Kot napa referans apre kestyon, ou pou bezwen fer ou prop resers pour trouv larepons.—Vwar liv Lekol Minister, p. 36-7.]
PWEN LANSENNYMAN
1. Ki mannyer nou kapab koz dan en fason ki fer li pli fasil pour lezot konpran? [be p. 226 par. 1–p. 227 par. 2]
2. Ki bann term ki nou bezwen eksplike? [be p. 227 par. 3–p. 228 par. 1]
3. Ki metod ki pou ed nou prezant nou lenformasyon dan en fason ki pou vreman enform sa ki pe ekout nou? [be p. 231 par. 1-3]
4. Ki mannyer nou kapab fer en verse ki dimoun i konn byen vin enformatif pour nou lodyans ler nou pe lir? [be p. 231 par. 4-5]
5. Ki lefe i kapab annan ler nou ankouraz nou lodyans pour konsantre lo bann detay dan en resi Labib ki zot konn tre byen? [be p. 232 par. 2-4]
EKSPOZE NO. 1
6. Ki nou devret dir dimoun ler nou pe ansenny zot pour “annan lakrent pour sa vre Bondye e gard son bann komannman”? (Ekle. 12:13) [be p. 272 par. 3–p. 273 par. 1]
7. Ki mannyer nou kapab diriz latansyon dimoun pa zis lo sa non Zeova me lo sa kalite Bondye ki i ete? (Yoel 2:32) [be p. 274 par. 3-5]
8. Ki kantite i enportan pour ganny konnesans lo Zezi e pour rann temwannyaz lo li? (Zan 17:3) [be p. 276 par. 1]
9. Dan ki fason annan en relasyon aprouve avek Bondye e konpran Labib i relye direkteman avek konpran rol ki Zezi i zwe? [be p. 276 par. 2]
10. Ki mannyer nou kapab montre ki nou vreman krwar Zezi Kri i Lerwa? [be p. 277 par. 4]
LEKTIR LABIB LASEMENN
11. Eski Tera, papa Abraam, ti en adorater zidol? (Zoz. 24:2)
12. Eski Gideonn ti napa ase kouraz pour akonpli sa travay ki Zeova ti’n donn li? Eksplike. (Ziz 6:25-27)
13. Ki nou aprann atraver fason ki Gideonn ti adres tribi Efraim? (Ziz 8:1-3)
14. Ler bann dimoun an Gibea pa ti ofer lospitalite, ki sa ti endike? (Ziz 19:14, 15)
15. Si ‘sak dimoun ti abitye fer sa ki byen dan son lizye,’ eski sa ti ankouraz dezord? (Ziz 21:25)