Lanons

◼ Piblikasyon pour ofer an Fevriye: Apros avek Zeova. Mars: Kontinyen veye! Si dimoun i montre lentere, entrodwir liv Konnesans avek zefor pour konmans en letid Labib. Avril ek Me: Latour Veyer ek Réveillez-vous! Kan pe fer retourn vizit, vizit osi bann ki asiste Memoryal ouswa lezot levennman teokratik me ki pa pe asosye avek lorganizasyon. Nou kapab ofer sa liv Ador Bondye. Nou devret fer tou zefor posib pour konmans en letid Labib, sirtou si sa bann dimoun in deza etidye liv Konnesans ek brosir Ekspekte.

◼ Sirveyan prezidan oubyen en dimoun ki i’n dezinyen i devret odit kont kongregasyon le 1 Mars oubyen osito apre sa dat. Si i annan en kont separe, ki swa pour reparasyon oubyen konstriksyon, bann laranzman i devret ganny fer pour verifye sa kont. Ler sa in ganny fer, enform kongregasyon ler prosen rapor kont i ganny lir.

◼ Sekreter ek sirveyan servis i devret egzamin aktivite tou bann pionye ordiner. Si i annan okenn pionye ki ganny difikilte pour ganny zot ler, bann ansyen i devret aranze pour ed zot. Pour bann sizesyon, vwar bann let annyel konsernan bann pionye (S-201).

◼ Diskour piblik spesyal pour sezon Memoryal pou annan pour tit “Akoz Zezi ti soufer e mor?” Vwar menm lanons dan Nou Minister Rwayonm Septanm 2004.

◼ Nou tou nou devret prezan pour sa Renyon Piblik Dimans le 20 Mars, pour en lanons spesyal konsernan en provizyon ki pou disponib pour bann proklanmater.

◼ Biro brans pa aksepte bann demann endividyel ki bann proklanmater i fer pour piblikasyon. Sirveyan prezidan i devret fer laranzman pour fer en lanons sak mwan avan ki komann kongregasyon i ganny anvoye kot biro brans. Sa pou permet bann ki bezwen serten lartik pour enform sa frer ki okip piblikasyon. Silvouple gard antet bann piblikasyon ki ou bezwen rekomande spesifikman.