Progranm Renyon Servis

Semenn le 14 Mars

Kantik 132

10 min: Lanons lokal. Lanons apropriye dan Nou Minister Rwayonm. Ankouraz tou dimoun pour get sa video David—He Trusted in God an preparasyon pour Renyon Servis semenn le 4 Avril. Servi bann sizesyon lo paz 6 (si i apropriye dan ou teritwar) pour montre konman pour prezant Latour Veyer le 1 Mars ek Réveillez-vous! le 22 Fevriye. Lezot prezantasyon ki aplikab i kapab ganny servi. Dan enn ant le de demonstrasyon, montre en proklanmater pe fer en retourn vizit avek en dimoun ki i abitye anmenn magazin tou le mwan. Ler pe fini sa prezantasyon, servi sa fey lenvitasyon Memoryal pour rapel sa met lakour komemorasyon Memoryal ki pe aprose.

20 min: “Plis Lanfaz lo Labib!”a

15 min: En Led pour fortifye nou. Apre en lentrodiksyon mwens ki en minit, fer en diskisyon avek lodyans lo Annuaire 2005. Reflesir lo bann keksoz merveye ki Zeova pe fer dan nou letan i apros nou pre avek li e avek nou bann frer ek ser atraver lemonn. (Ps. 77:12-14) I fortifye nou pour reziste Dyab, e “reste ferm dan lafwa.” (1 Pyer 5:8, 9) I ed bann nouvo devlop lapresyasyon pour lorganizasyon Zeova. Envit lodyans pour rakont bann keksoz ki zot in apresye dan zot lektir Annuaire 2005. Fer laranzman pour enn oubyen de dimoun fer komanter lo konman zot fer letan pour lir Annuaire.

Kantik 137 ek lapriyer final.

Semenn le 21 Mars

Kantik 140

10 min: Lanons lokal.

15 min: “Kondwir bann Letid Labib ki progrese—Setyenm Parti.”b Ler pe prepar sa size, vwar Latour Veyer le 15 Zilyet, 2002, paz 27, paragraf 5-6 (Angle/Franse).

20 min: Kisisa Armagedon? Apre en lentrodiksyon mwens ki en minit, fer en diskisyon par kestyon ek repons baze lo paz 44-9 dan liv Comment raisonner an Angle e lo paz 181-6 an Franse. Envit lodyans pour fer komanter lo bann kestyon an gro lekritir nwanr, par servi bann verse Labib ki’n ganny site ek bann ki’n ganny mete konman referans. Diskite konman nou kapab servi sa lenformasyon dan predikasyon.

Kantik 109 ek lapriyer final.

Semenn le 28 Mars

Kantik 144

10 min: Lanons lokal. Lir rapor kont ek remersiman pour bann donasyon ki’n ganny fer. Rapel tou dimoun pour get sa video David—He Trusted in God an preparasyon pour Renyon Servis semenn prosenn. Ankouraz tou dimoun pour envit bann dimoun enterese pour asiste sa diskour piblik spesyal le 10 Avril. Mansyonn piblikasyon ki pou ofer Avril ek Me.

15 min: Bezwen lokal.

20 min: Ofer Latour Veyer ek Réveillez-vous! Revwar bann sizesyon pour plas plis bann magazin dan Nou Minister Rwayonm Fevriye 2005, paz 8. Diskit bann pwen enteresan dan bann magazin ki nou’n fek gannyen. Par servi sizesyon lo paz 6 (si i apropriye dan ou teritwar), demontre konman pour prezant Latour Veyer le 15 Mars ek Réveillez-vous! le 8 Mars. Lezot prezantasyon ki aplikab i kapab ganny servi. Dan tou le de prezantasyon, eksplike konman nou travay mondyal i ganny finanse.—Vwar Latour Veyer, p. 2, oubyen Réveillez-vous! p. 5.

Kantik 116 ek lapriyer final.

Semenn le 4 Avril

Kantik 119

5 min: Lanons lokal.

15 min: Kontan kanmarad. (Zan 13:35) Diskour par en ansyen baze lo Latour Veyer le 1 Fevriye, 2003, paz 24-27, paragraf 10-21. Parey i’n ganny mansyonnen dan piblikasyon ki pou ofer Avril ek Me, nou ganny ankouraze pour esey konmans bann letid Labib avek bann ki’n deza etidye liv Konnesans ek brosir Ekspekte. Fer resorti konman bann proklanmater i kapab travay ansanm avek bann ansyen pour ed bann ki feb.

25 min: “En Video avek en Mesaz ki toultan itil.” Lir Psonm 91:2 ek 31:14, e fer en komanter bref lo tou le de verse. Apre toudswit fer en diskisyon avek lodyans lo sa bann kestyon pour sa video David, par servi tou bann kestyon dan dezyenm paragraf osi byen ki sa kestyon dan trwazyenm paragraf. Apre sa, demann bann fanmiy pour rakonte konman zot in benefisye ler zot in partisip dan sa “Learning Activities” lo DVD. Fini par lir Psonm 56:11.

Kantik 36 ek lapriyer final.

[Not anba lo paz]