Etidye Brosir Kontinyen veye!

Bann kongregasyon dan Sesel pou etidye brosir Kontinyen veye! pandan semenn le 19 Desanm 2005 ziska le 16 Zanvye 2006 dan Letid Liv Kongregasyon. Silvouple servi sa bann kestyon swivan ler pe prepare e ler pe kondwir sa renyon. Lir lenformasyon dan brosir e lir bann verse ki’n ganny mete konman referans si letan i permet pandan letid.

Semenn le 19 Desanm

◼ Paz 3-4: Lekel parmi sa bann sitiasyon la ki’n sirtou afekte ou lavi? Kwa ki endik ou ki sa bann sitiasyon pa senpleman bann levennman ki ariv zis isi e zis par rafal?

◼ Paz 5: Kwa ki konvenk ou ki Bondye i vreman enterese avek nou? Kwa ki kapab montre ki kantite nou enterese avek Bondye e osi sa ki i pe fer?

◼ Paz 6-8: Ki Matye 24:1-8, 14 i dir lo sinifikasyon kondisyon sa lemonn ozordi? Parey 2 Timote 3:1-5 i montre, ki letan nou pe viv ladan? Bann dernyen zour i pour ki sennla? Kwa ki konvenk ou ki Labib i vreman Parol Bondye? Lekel sa Rwayonm ki nou pres lo la?

◼ Paz 9-10: Akoz nou devret egzamin byen desizyon ki nou pran toulezour ek nou bann priyorite dan lavi? (Rom. 2:6; Gal. 6:7) Ler ou revwar sa bann kestyon lo paz 10, ki verse Labib ki vin dan ou lespri ki devret annan en lenfliyans lo sa ki ou fer?

Semenn le 26 Desanm

◼ Paz 11: Akoz nou devret personnelman egzamin bann kestyon lo sa paz? (1 Kor. 10:12; Efe. 6:10-18) Ki nou larepons i revele lo ki kantite serye nou pran konsey Zezi dan Matye 24:44?

◼ Paz 12-14: Kisisa “ler son zizman” ki Revelasyon 14:6, 7 i koz la? Ki i vedir ‘annan lakrent pour Bondye e rann li glwar’? Lekel Gran Babilonn, e ki pou arive avek li? Konsernan Gran Babilonn, ki nou devret fer konmela? Ki lezot keksoz ki enkli dan sa ler zizman? Ki lefe i annan lo nou vi ki nou pa konn “ni zour ni ler” ki Bondye pou anmenn son zizman? (Mat. 25:13)

◼ Paz 15: Ki sa problenm konsernan souvrennte, e ki mannyer i fer lefe lo sakenn ant nou?

◼ Paz 16-19: Lekel “nouvo lesyel” ek “nouvo later”? (2 Pyer 3:13) Lekel ki’n promet sa bann keksoz? Ki sanzman sa nouvo lesyel ek sa nouvo later pou anmennen? Eski nou pou benefisye personnelman?

Semenn le 2 Zanvye

◼ Paz 20-1: Ki lavertisman konsernan sov zot lavi, Zezi ti donn son bann disip premye syek? (Lik 21:20, 21) Kan ki ti posib pour zot sove? Akoz i ti irzan pour zot sove san tarde? (Mat. 24:16-18, 21) Akoz bokou dimoun i inyor lavertisman? Konman plizyer milye dimoun Lasin ek Filipin ti benefisye ler zot ti ekout lavertisman? Akoz i pli irzan pour ekout lavertisman ki Labib i donnen konsernan lafen sa sistenm ki nou pe viv ladan? Vi ki letan i kourt, ki responsabilite nou annan? (Prov. 24:11, 12)

◼ Paz 22-3: An 1974 Ostrali e an 1985 Kolonbi, akoz bokou dimoun ti inyor lavertisman dezas e ki ti rezilta? Dapre ou ki mannyer ou ti pou reazir anver sa bann lavertisman, e akoz? Kwa ki kapab montre si nou ti pou’n ekout sa lavertisman dan letan Noe? Akoz dimoun ti anvi reste dan ansyen Sodonm e dan son zalantour? Ki mannyer nou kapab benefisye ler nou mazin seryezman lo sa ki ti arive Sodonm?

Semenn le 9 Zanvye

◼ Paz 24-7: Servi “Kestyon Letid” lo paz 27.

Semenn le 16 Zanvye

◼ Paz 28-31: Servi “Kestyon Letid” lo paz 31.

Egzamin sa brosir pou ed nou ‘kontinyen veye’ e met nou pare. Fotespere nou predikasyon i toultan reflekte lenportans sa ki sa lanz ti dir: ‘Annan lakrent pour Bondye e rann li glwar, parski ler son zizman in arive.’—Mat. 24:42, 44; Rev. 14:7.