Sizesyon pour prezant Quelle est le but de la vie? Comment le découvrir?
Apre ki ou’n dir bonzour sa met lakour, ou kapab dir:
“Ozordi problenm ek dezapwentman i form parti lavi e i bann keksoz ki nou pa kapab evite. Eski ou krwar lavi ti sipoze koumsa? [Les sa dimoun reponn.] Sa brosir i montre ki plan Bondye pour limanite ek later pou finalman ganny akonpli. [Diskit sa portre lo paz 20-1. Apre lir paragraf 9, e fer resorti Izai 14:24 ek 46:11.] Prosenn fwa, mon ti pou kontan montre ou kote dan Labib ki dir ki Bondye pou reetablir Paradi lo later.” Ofer sa brosir, e fer laranzman pour retournen.
Ler ou retournen, ou kapab dir:
“Dernyen fwa mon ti dir ki i plan Bondye pour imen viv pour touzour lo en later ki pou vin en paradi. [Montre ankor sa portre lo paz 20-1.] Remarke ki Zezi, Pyer, ek David ti koz lo Paradi.” Fer li pran son brosir. Apre vir lo paz 21-2, e egzamin paragraf 10-13. Ofer en letid Labib, oubyen fer laranzman pour egzamin enn bann soutit lo paz 29-30 lo prosen vizit.
En zenn proklanmater i kapab dir:
“Bokou dimoun ki menm laz avek mwan i trakas pour lavenir. Eski ou krwar ki lavi pou vin pli meyer pour sa zenerasyon ki pe vini? [Les sa dimoun reponn.] Labib i koz konsernan en lavenir merveye pour tou dimoun. [Ouver brosir lo sa portre lo paz 31, e lir sa lekritir ki al avek sa portre. Apre lir 2 Pyer 3:13.] Sa brosir i donn lenformasyon lo bann benediksyon ki Bondye in anmase pour limanite. [Fer resorti bann soutit an gro lekritir nwanr lo paz 29-30, e ofer sa brosir.] Mon ti a kontan vizit ou ankor e koz lo promes Bondye pour met en lafen avek lager.” Fer laranzman pour retournen.
Ler ou retournen, ou kapab dir:
“Dernyen fwa mon ti vizit ou, mon ti mansyonn an bref plan Bondye pour reetablir paradi lo later. [Refer ankor avek portre lo paz 31.] Mon ti a kontan konnen ki ou panse konsernan promes Bondye pour met en lafen avek tou lager.” Fer li pran son brosir. Apre lir e diskit paragraf 3-6 lo paz 29. Fer laranzman pour konsider paragraf 7-8 lo prosen vizit.
Ler pe pres avek en zanfan, en adilt i kapab entrodwir zot tou le de e apre dir:
“Si i oke avek ou, ________ ti pou kontan montre ou en portre e lir en verse Labib avek ou. [Sa zanfan i montre sa portre lo paz 31 e lir sa lekritir ki al avek sa portre, apre i lir Revelasyon 21:4.] Sa brosir i eksplik sa ki Bondye pou fer konsernan problenm ki nou pe rankontre ozordi. [An bref fer resorti bann soutit an gro lekritir nwanr lo paz 29-30, e ofer brosir.] Ler nou retournen, mon ti pou kontan montre ou ki Labib i dir Bondye pou met en lafen avek tou problenm lasante.”
Ler zot retournen, sa adilt i kapab dir:
“Dan nou dernyen konversasyon, mon ti mansyonnen ki mon anvi montre ou ki Labib i dir Bondye pou met lafen avek tou problenm lasante. Get sa ki i dir la.” Fer li pran son brosir. Apre egzamin paragraf 9-14 lo paz 29. Ofer en letid Labib, oubyen fer laranzman pour diskit paragraf 15-17 lo prosen vizit.