Sizesyon pour prezant
Dieu se soucie-t-il vraiment de nous?
Apre ki ou’n mansyonn en levennman trazik, ou kapab dir:
“Eski ou’n deza demande akoz Bondye i les imen soufer si i vreman enterese avek nou? [Les sa dimoun reponn.] Sa brosir i donn en bon larepons pour sa kestyon e i montre ki Bondye pou fer tre byento. Montre portre lo paz 27, e lir Psonm 145:16 dan paragraf 22.] Ki mannyer Bondye pou elimin tou soufrans ki imen in eksperyanse? Mon ti pou kontan egzamin sa kestyon zour ki mon retournen pour vizit ou.” Ofer brosir e fer laranzman pour retournen.
Lo retourn vizit, ou kapab dir:
“Dernyen fwa mon ti vizit ou, nou ti lir sa verse Labib. [Lir oubyen sit Psonm 145:16.] Apre mon ti demann sa kestyon: Ki mannyer Bondye pou elimin tou soufrans ki imen in eksperyanse?” Demann li pour pran son brosir. Apre ouver lo paz 27-8, e egzamin paragraf 23-5. Ofer en letid Labib, oubyen aranze pour konsider paragraf 26-7 lo prosen vizit.
En zenn proklanmater i kapab dir:
“Bokou dimoun mon laz i trakas konsernan sa ki lemonn pou devenir dan 10 oubyen 15 zan. Ki mannyer ou panse lavi pou ete sa letan? [Les sa dimoun reponn.] Bann problenm ki nou vwar ozordi i endike ki nou pe viv dan bann dernyen zour. [Lir 2 Timote 3:1-3.] Sa brosir i donn larepons pour sa bann kestyon swivan. [Lir bann kestyon lo kouvertir, e ofer sa brosir.] Ler mon retournen, si ou annan en pe letan, mon pou kontan partaz en panse ankourazan konsernan lafen maladi ek lavyeyes.” Fer laranzman pour retournen.
Ler ou retournen, ou kapab dir:
“Dernyen fwa nou ti koze, mon ti dir ki mon anvi koz avek ou konsernan lafen maladi ek lavyeyes. Sa pwen i trouve la.” Fer li pran son brosir. Apre lir e diskit paragraf 6-7 lo paz 23-4. Fer laranzman pour egzamin paragraf 8-9 lo prosen vizit.
Ler pe pres avek en zanfan, en adilt i kapab entrodwir zot tou le de e apre dir:
“Avek ou permisyon, ________ ti pou kontan lir en verse Labib avek ou. [Zanfan i lir Psonm 37:29 e fer en pti komanter.] Sa brosir i diskite ki mannyer Bondye pou akonpli son plan pour limanite ek later. [Montre portre lo paz 24-7.] Ler nou retournen, mon ti ava kontan montre ou promes merveye dan Labib konsernan rezireksyon.” Ofer sa brosir, e aranze pour retournen.
Lo retourn vizit, sa adilt i kapab dir:
“Ler nou ti vizit ou avan, nou ti lir Psonm 37:29, e mon ti dir ki mon anvi montre ou sa ki Labib i dir konsernan rezireksyon. Get sa ki i dir la.” Envit li pour pran son brosir. Apre egzamin paragraf 12-14 lo paz 24-5. Ofer en letid Labib, oubyen aranze pour egzamin paragraf 15-16 lo prosen vizit.