Revizyon Lekol Minister Teokratik
Sa bann kestyon swivan pou ganny egzaminen oralman dan Lekol Minister Teokratik pandan semenn le 26 Desanm, 2005. Sirveyan lekol pou kondwir en revizyon 30 minit baze lo lenformasyon ki’n ganny trete dan bann ekspoze depi semenn le 7 Novanm ziska le 26 Desanm, 2005. [Not: Kot napa referans apre kestyon, ou pou bezwen fer ou prop resers pour trouv larepons.—Vwar liv Lekol Minister, p. 36-7.]
PWEN LANSENNYMAN
1. Ki nou kapab fer pour asire ki ler nou pe motiv lezot nou fer li “o non lanmour”? (Filem. 9) [be p. 266]
2. Dan ki fason nou kapab motiv lezot avek lansennyman Bondye? (Tit 1:9) [be p. 267 par. 1-2]
3. Akoz i enportan pour fer nou diskour ankourazan, e konman nou kapab fer li? [be p. 268 par. 1-3, bwat]
4. Parey Moiz ti fer, konman ler nou rapel lezot sa ki Zeova in fer pour son pep i fer zot ganny kouraz? (Det. 3:28; 31:1-8) [be p. 268 par. 5–p. 269 par. 2]
5. Akoz ler nou koz avek lazwa lo sa ki Zeova pe fer konmela e ki i pou fer dan lavenir, sa pou ankouraz nou lodyans? [be p. 270-1]
EKSPOZE NO. 1
6. Kisisa Septant (Septuagint an Angle), e akoz i enteres bann Kretyen? [si p. 307 par. 12–p. 310 par. 14]
7. Ti lekel bann Masoret (Masoretes an Angle), e ki kontribisyon remarkab zot ti fer dan tradiksyon Labib? [si p. 310 par. 18; p. 311 par. 20-21]
8. Ki teks ki’n ganny servi premyerman pour tradwir seksyon Ebre dan Traduction du monde nouveau an Angle, e akoz nou kapab dir ki sa tradiksyon i otantik e nou kapab depan lo la? [si p. 312 par. 28, 30]
9. Konman bann premye Kretyen ti demontre ki zot annan en gran dezir pour fer konnen Parol Bondye? [si p. 315 par. 1-5]
10. Ki en letid lo bann maniskri ek teks dan Lekritir Sen i revele lo Labib? [si p. 320 par. 32]
LEKTIR LABIB LASEMENN
11. Lefe ki David pa ti ganny permisyon pour konstri tanp, eski sa i vedir ki Zeova pa ti dakor avek bann lager ki i ti fer? (1 Kron. 22:6-10)
12. Dan lapriyer dedikasyon tanp, ki mannyer Salomon ti rekonnet ki Zeova pa zis port latansyon lo bezwen son bann serviter konman en group me osi i konn sitiasyon sak dimoun ki annan lakrent pour li? (2 Kron. 6:29, 30)
13. Kwa sa “bann demon dan laform kabri” ki 2 Kronik 11:15 i koz la?
14. Vi ki renny Baasa ti konmans “dan trwazyenm lannen Aza” e i ti dir zis pour 24 lannen, ki mannyer nou kapab konpran sa bout ki dir Baasa ti mont “kont Zida” dan “trannsizyenm lannen renny Aza”? (1 Rwa. 15:33; 2 Kron. 16:1)
15. Ki mannyer 2 Kronik 20:22, 23 i montre klerman sa ki pe al arive avek lemonn Satan?