Lanons

◼ Piblikasyon ki nou pou ofer an Desanm: The Greatest Man Who Ever Lived. Ou kapab osi prezant Mon Liv Zistwar Labib, ouswa The Bible–God’s Word or Man’s? Zanvye: Konnesans Ki Anmenn ver Lavi Eternel oubyen nenport pli vye liv ki kongregasyon i kapab annan dan stok. Si sa dimoun pa oule sa liv, ou kapab ofer osi brosir Kontinyen Veye. Fevriye: Apros avek Zeova. Mars: Ki Labib i vreman dir? Fer zefor spesyal pour konmans bann letid Labib. Avril: Latour Veyer ek Réveillez-vous! Kan pe fer retourn vizit, vizit osi bann ki’n asiste Memoryal oubyen lezot levennman teokratik me ki pa pe asosye avek lorganizasyon. Nou kapab ofer liv Ki Labib i vreman dir? Nou bi se pour konmans en letid Labib.

◼ Bann lenvitasyon Memoryal pour lannen 2006 an Kreol Seselwa pou byento ganny anvoye. Si lezot langaz i ganny servi dan ou teritwar e ou ti a kontan ganny bann lenvitasyon dan sa bann langaz, ou devret ranpli sa form Literature Request (S-14) osito posib. En lalis bann langaz dan ki bann lenvitasyon Memoryal i disponib pour ganny mete dan sa let ki ganny anvoye kot tou kongregasyon sak mwan. Silvouple rekomann selman bann langaz ki ganny servi dan ou teritwar.

◼ Silvouple note ki Memoryal pour lannen 2007 pou Lendi le 2 Avril, apre soley kouse. Sa lenformasyon i ganny donnen davans pour ki bann frer i kapab fer bann rezervasyon pour en lasal, dan ka kot i annan plizyer kongregasyon ki pe servi menm Lasal Rwayonm. Laranzman i devret ganny fer pour servi lezot fasilite. Dan sa ka, bann ansyen i bezwen fer en lagreman avek sa ki ansarz sa landrwa pour asire ki pou napa okenn distraksyon par lezot aktivite dan sa batiman, pour ki Memoryal i ganny fer dan lord e anpe.

◼ Vi ki sa lokazyon i enportan, konsey bann ansyen i devret swazir en frer parmi bann ki pli kalifye pour vin orater olye ki zis fer sakenn son tour oubyen servi menm frer tou le zan. Si i annan en ansyen ki en Kretyen swazir ki kapab fer sa diskour, i kapab ganny swazir.