Kestyon letid pour liv Ekout sa Gran Ansennyan

Lenstriksyon pour letid dan liv Gran Ansennyan

Pour byen etidye sa liv, kont bann paragraf dan sak sapit, enkli paragraf lentrodiksyon. Tou paragraf dan sak seksyon i devret ganny lir ansanm. Pandan letid, bann verse Labib a lafen sak sapit i kapab ganny diskite kan i apropriye.

Kan sa liv i ganny servi pour Letid Liv, de sapit i merit ganny kouver sak semenn e lentrodiksyon i ganny konsidere konman premye sapit. Sa liv pou ganny kouver pandan 25 sesyon letid e dernyen semenn pou ganny servi pour etidye Sapit 48 e pour fer en pti revizyon lo sa liv.

Lentrodiksyon Paragraf 1-5

1. Akoz dimoun i dir ki i en mirak ler en pti baba i ne?

2. Ki serten keksoz zanfan i bezwen avek zot paran?

3. Akoz paran Kretyen i baz zot lansennyman lo Labib e non pa lo filozofi zonm ek bann koutim? (Proverb 3:5, 6; 14:12; Izai 30:21)

Paragraf 6-10

4. Ki mannyer kestyon dan sa liv in ganny byen plase pour paran ansenny zot zanfan e ki zot kapab aprann atraver larepons en zanfan pour sak kestyon?

5. Ki mannyer portre i en led pour lansennyman?

6. Ki bann ki’n pibliy sa liv i senserman swete?

Sapit 1 Paragraf 1-6

1. Ki Zezi ti kapab fer konman en ansennyan?

2. Dan ki fason Zezi ti en bon Garson ek en Gran Ansennyan?

3. Dan ki fason Zezi ti diferan avek tou lezot imen?

Paragraf 7-11

4. Ki mannyer bann zanfan ti kapab konnen ki Zezi ti kontan zot?

5. Akoz Zezi ti ansenny bann zanfan e ki nou kapab aprann atraver son legzanp?

6. Ki Zezi ti oule dir kan i ti dir ki bann gran dimoun i devret vin parey en zanfan?

Paragraf 12-16

7. Ki pwen Zezi ti oule fer resorti kan i ti koz lo zwazo ek fler?

8. Ki mannyer sa ki Zezi ti ansennyen i kapab ed en dimoun pour deside si i pou aksepte en travay kot i pou reste lwen avek son fanmir?

9. Ki ou’n vwar dan Sermon Zezi lo Montanny ki demontre lenportans pour met Bondye premye dan nou lavi?

Paragraf 17-21

10. Ki mannyer nou kapab ekout Zezi e ki rezilta nou pou gannyen si nou fer li?

11. Kan ki Bondye ti dir bann disip ekout Zezi e ki mannyer nou osi nou kapab trouv vre lazwa?

Sapit 2 Paragraf 1-7

1. Kwa ki fer Labib sa liv pli enportan parmi tou lezot liv?

2. Ki mannyer Bondye ti fer Labib ganny ekrir e akoz nou kapab krwar ki menm si Bondye i dan lesyel i kapab anvoy son mesaz lo later?

Paragraf 8-12

3. Lekel sa premye ekriven Labib e konbyen letan ti pran pour ekrir Labib?

4. Nonm serten ekriven Labib e idantifye zot dan portre.

5. Ki mannyer bann ekriven Labib ti konn bann keksoz ki ti pou arive byen davans?

Paragraf 13-18

6. Akoz tou dimoun i kapab aprann sa ki dan sa let ki Bondye in donn bann imen?

7. Ki serten keksoz enportan Labib i koz lo la?

8. Ki mannyer nou kapab montre ki nou vreman saz e apresye Parol Bondye?

Sapit 3 Paragraf 1-10

1. Kwa ki enpresyonn ou lo lafason nou’n ganny kree?

2. Lekel Bondye ti kree premye e ki mannyer nou konnen?

3. Akoz Bondye ti kree bann keksoz vivan?

4. Ki mannyer Bondye in demontre son lanmour pour nou?

Paragraf 11-21

5. Ki legzanp ou kapab servi pour prouve ki Bondye i vreman egziste?

6. Akoz nou pa devret esey fer en zimaz pour reprezant Bondye?

7. Dan ki fason nou kapab montre nou lapresyasyon pour Bondye?

Sapit 4 Paragraf 1-6

1. Kwa ki montre ki i vreman enportan pour annan en non?

2. Ki mannyer Bondye i apele e akoz nou devret servi son non?

3. Ki mannyer Zezi ti servi non Bondye e ansenny lezot pour fer parey?

Paragraf 7-14

4. Ki Bondye ti revele avek Moiz konsernan Son non?

5. Ki Zeova ti fer Faraon konnen konsernan Son non?

6. Ki mannyer Zeova ti fer konnen son non e ki mannyer i pe fer sa ozordi?

Paragraf 15-19

7. Kote dan ou Labib ou kapab trouv non Bondye?

8. Ki mannyer ou kapab montre ki ou kontan Zeova?

Sapit 5 Paragraf 1-8

1. Akoz Garson Bondye ti ne lo later? (Lik 1:26-38)

2. Ki bon legzanp Mari ek Zezi in kite e ki mannyer nou kapab imit zot?

3. Ki mannyer nesans Zezi ti diferan avek tou lezot nesans?

Paragraf 9-17

4. Ki levennman ti arive pandan lannwit, zour Zezi ti ne?

5. Kote Zezi ti grandi e ki i ti fer pli tar ki ti fer li ganny laprouvasyon Bondye? (Psonm 40:6-8)

6. Ki lezot keksoz nou kapab aprann atraver legzanp Zezi?

Sapit 6 Paragraf 1-4

1. Ki laplipar dimoun i toultan anvi e kwa ki montre ki bann disip Zezi ti santi parey parler?

2. Ki leson Zezi ti ansennyen ki son bann disip pa ti reisi aprann o konmansman?

Paragraf 5-11

3. Ki Zezi ti fer sa zour swar avan son lanmor e ki leson nou tire ladan?

4. Si nou swiv legzanp Zezi, ki byenfe sa pou anmennen?

Paragraf 12-17

5. Ki mannyer ou kapab servi lezot manm ou fanmir?

6. Ki mannyer ou kapab servi lezot kot lekol e dan lezot landrwa?

7. Akoz nou devret servi lezot menm si zot pa touzour apresye?

Sapit 7 Paragraf 1-9

1. Akoz i saz pour ekout bann dimoun ki pli aze?

2. Ki nou kapab aprann atraver lapriyer Zezi dan Lik 22:42?

3. Ki nou pe demontre kan nou obeir Bondye?

Paragraf 10-15

4. Ki mannyer bann zanfan i kapab aplik Efezyen 6:1-3 e akoz zot devret fer li?

5. Ki mannyer lobeisans in protez bann dimoun dan lepase?

Paragraf 16-19

6. Ki mannyer lobeisans i kapab protez bann zanfan ozordi?

7. Ki mannyer tou dimoun i benefisye kan zot obeir Bondye?

Sapit 8 Paragraf 1-5

1. Lekel ki pli o e pli for ki imen?

2. Ki mirak Bondye ti fer pour Zezi kapab ne konman en pti baba lo later?

3. Ki mannyer Zezi ti montre ki i ti deza egziste avan vin lo later?

Paragraf 6-11

4. Ki lavenir Adan ek Ev ti’n kapab rezwir si zot ti’n obeir Bondye?

5. Ki leson enportan nou kapab aprann atraver Zenez 2:17?

Paragraf 12-19

6. Ki mannyer en lanz Bondye ti anbet Ev?

7. Ki ti arive an rezilta dezobeisans Adan ek Ev?

8. Akoz en bon lanz ti vin move?

9. Ki mannyer nou kapab imit legzanp Zezi e prouve ki Dyab i en manter?

Sapit 9 Paragraf 1-4

1. Kan nou pe ganny tante, akoz nou pa devret les sa tantasyon domin nou e fer sa ki mal?

2. Ki i kapab vedir kan Labib i dir ki zour batenm Zezi, “Lesyel ti ouver”?

Paragraf 5-13

3. Ki mannyer Satan ti esey tant Zezi pour premye fwa e ki mannyer Zezi ti reziste?

4. Ki mannyer Satan ti tant Zezi pour dezyenm fwa e ki mannyer Zezi ti reazir?

5. Ki nou kapab aprann avek sa trwazyenm tantasyon ki Zezi ti fer fas avek?

Paragraf 14-20

6. Ki mannyer nou kapab ganny tante pour satisfer nou bann dezir oubyen pour fer en keksoz bet?

7. Kan eski i vreman difisil pour fer sa ki byen, me kwa ki pou ed nou pour toultan fer li?

Sapit 10 Paragraf 1-6

1. Akoz en lanz ti opoz Bondye?

2. Ki serten lezot lanz ti fer e akoz sa ti mal?

3. Ki mannyer zanfan sa bann lanz ti ete e an rapor avek sa move kondisyon lo later ki Bondye ti fer?

Paragraf 7-11

4. Ki Satan ek son bann demon pe fer la konmela e ki lenfliyans zot kapab annan lo nou?

5. Ki keksoz mal bann move lanz i esey fer bann zanfan fer?

Paragraf 12-17

6. Ki move keksoz bann demon i kontan e souvandfwa kote bann dimoun i aprann sa bann kalite keksoz?

7. Menm si bann demon i vreman for, akoz nou pa devret per zot?

Sapit 11 Paragraf 1-11

1. Akoz nou kapab krwar dan keksoz ki nou pa vwar?

2. Ki nou’n aprann konsernan bann bon ek move lanz?

3. Ki serten keksoz bann lanz i koz lo la e akoz ou krwar bann bon lanz i enterese avek nou?

4. Ki mannyer bann lanz ti ed bann dimoun ki ti kontan Bondye dan lepase?

Paragraf 12-17

5. Ki travay spesyal lanz Bondye i fer pour son serviter lo later?

6. Ki travay lanz Bondye ti ed Pol pour fer?

7. Ki travay enportan bann lanz pou ed Bondye fer byento?

Sapit 12 Paragraf 1-7

1. Ki si sa lapriyer e kwa ki montre ki lapriyer an prive ouswa an piblik i apropriye?

2. Akoz i apropriye pour dir “Amenn” apre lapriyer e ki i vedir?

3. Kan lapriyer i ganny fer dan renyon, akoz i enportan pour ekout avek respe olye get partou partou ouswa fer tapaz?

4. Ki nou aprann atraver lapriyer Neemya?

Paragraf 8-10

5. Ki keksoz enportan nou merit gard antet konsernan pozisyon pour fer lapriyer?

6. Ki serten keksoz nou kapab priy lo la?

Paragraf 11-17

7. Lekel sa trwa keksoz pli enportan Zezi ti ansenny son bann disip pour priy lo la?

8. Ki lezot keksoz Zezi ti dir nou devret priy lo la?

Sapit 13 Paragraf 1-7

1. Ki savedir vin en disip Zezi?

2. Lekel premye sis disip Zezi e ki ou konnen lo zot?

3. Lekel sa kat disip ki ti retourn dan zot biznes lapes e pli tar ki mannyer zot ti reazir kan Zezi ti envit zot pour swiv li?

Paragraf 8-12

4. Apre ki zot ti’n vin disip Zezi, ki zot ti devret pare pour fer?

5. Lekel ki pa ti pare pour aksepte lenvitasyon Zezi pour swiv li e akoz?

6. Lekel Zezi ti swazir pour vin son 12 zapot?

7. Lekel parmi sa 12 zapot ki ti vin enfidel e lekel ki ti ranplas li?

8. Lekel ki ti osi vin zapot pli tar?

Paragraf 13-16

9. Ki mannyer nou konnen bann madanm osi i kapab vin disip Zezi?

10. Ki mannyer e kote en vre disip Zezi i devret konport li byen?

Sapit 14 Paragraf 1-5

1. Ki mannyer nou devret tret bann ki pa zantiy avek nou?

2. Ki Zezi ti oule dir kan i ti dir: ‘Ou devret pardonn swasanndiset fwa’?

3. Apre ki i ti’n reponn kestyon Pyer, ki Zezi ti fer?

Paragraf 6-13

4. Ki mannyer sa lerwa ti tret sa lesklav ki ti dwa li en kantite larzan?

5. Ki mannyer sa lesklav ti tret en lot lesklav ki ti dwa li zis en ptigin larzan?

6. Ki mannyer sa lerwa ti reazir kan i ti tann sa ki sa lesklav ki ti annan leker dir ti’n fer?

Paragraf 14-18

7. Sa lerwa dan zistwar Zezi i reprezant lekel?

8. Ki zistwar Zezi i ansenny nou?

9. Ki ou pou fer si en dimoun i demann ou pour pardonn li, menm si ou’n deza fer li en kantite fwa oparavan?

Sapit 15 Paragraf 1-7

1. Ki savedir rasis e akoz ou krwar i move pour annan en tel latitid?

2. Kan en zonm rasis ti apros Zezi pour demann li ki i bezwen fer pour viv pour touzour, premyerman ki Zezi ti dir li?

3. Ki mannyer sa zonm ti esey rod lekskiz pour zistifye son move santiman?

Paragraf 8-15

4. Ki zistwar Zezi ti rakont sa zonm pour kapab ed li?

5. Ki kestyon Zezi ti demann sa zonm kan i ti’n fini rakont sa zistwar e ki sa zonm ti reponn?

Paragraf 16-19

6. Ki zistwar Zezi i ansenny nou konsernan lekel nou prosen?

7. Ki mannyer nou konnen Zeova pa fer lapliferans?

8. Ki mannyer nou kapab vin en bon dimoun anver lezot?