Kestyon letid pour liv Ekout sa Gran Ansennyan

Lenstriksyon pour letid dan liv Gran Ansennyan

Pour byen etidye sa liv, kont bann paragraf dan sak sapit, enkli paragraf lentrodiksyon. Tou paragraf dan sak seksyon i devret ganny lir ansanm. Pandan letid, bann verse Labib a lafen sak sapit i kapab ganny diskite kan i apropriye.

Kan sa liv i ganny servi pour Letid Liv, de sapit i merit ganny kouver sak semenn e lentrodiksyon i ganny konsidere konman premye sapit. Sa liv pou ganny kouver pandan 25 sesyon letid e dernyen semenn pou ganny servi pour etidye Sapit 48 e pour fer en pti revizyon lo sa liv.

Sapit 16 Paragraf 1-6

1. Ki ti problenm sa zonm ki ti vin konplent avek Zezi konsernan son frer?

2. Ki zistwar Zezi ti rakonte pour montre ki fason panse sa zonm ti mal? (Lir Lik 12:16-21)

Paragraf 7-13

3. Ki mannyer bokou, zenn konman vye i parey sa zonm ris?

4. Kwa ki pli enportan ki keksoz materyel e pourtan ki mannyer bokou dimoun ozordi i montre ki zot parey sa zonm ris?

5. Akoz nou pa devret azir parey sa zonm ris dan zistwar Zezi?

Paragraf 14-17

6. Ki savedir vin ris devan Bondye?

7. Ki bon legzanp Zezi in kite pour nou?

8. Ki mannyer Zezi ti ganny rekonpanse pour lapenn i ti vin ris devan Bondye?

Sapit 17 Paragraf 1-8

1. Kwa ki kapab fer nou zwaye?

2. Akoz Zeova i ganny apele en ‘Bondye ki zwaye’?

3. Ki nou kapab donn lezot?

Paragraf 9-12

4. Ki Zezi ek son bann disip ti kapab donnen?

5. Ki Pol ek Lik ti donn lezot e akoz Lidi ti pare pour donnen an retour?

Paragraf 13-16

6. Ki mannyer nou devret santi konsernan donnen e akoz?

7. Akoz en madanm mizer ti kontan pour donn tou sa ki i ti annan?

8. Ki plizyer fason nou kapab “donnen” e ki nou kapab ekspekte gannyen si nou fer sa?

Sapit 18 Paragraf 1-5

1. Ki nou devret fer kan lezot i fer bann bon keksoz anver nou?

2. Ki si sa en lepre e akoz bann dimoun dan letan Zezi ti reste lwen avek zot?

3. Ki mannyer Zezi ti tret bann lepre?

Paragraf 6-12

4. Ki Zezi ti dir sa dis lepre ki ti demann li pour geri zot e akoz i ti dir zot sa?

5. Kwa ki montre ki sa bann lepre ti krwar ki Zezi ti kapab geri zot?

6. Dan semen pour al kot pret, ki ti arive avek sa bann lepre?

7. Ki mannyer en zonm Samariten ti diferan avek sa lezot nef zonm?

Paragraf 13-18

8. Ki mannyer nou kapab imit sa zonm ki ti retournen e remersye Zezi?

9. Akoz i enportan pour remersye bann dimoun ki fer bann bon keksoz pour nou?

Sapit 19 Paragraf 1-5

1. Ki Zezi ti dir konsernan fer lape, me kwa ki fer li difisil pour fer li parler?

2. Kan bann Samariten pa ti tret bann disip Zezi byen, ki Zak ek Zan ti anvi fer?

Paragraf 6-12

3. Ki Proverb 24:29 i dir konsernan rann mal pour mal?

4. Ki parol Zezi dan Matye 5:39 i vedir?

5. Ki pli bon keksoz nou kapab fer kan en problenm i konmanse e akoz?

Paragraf 13-17

6. Ki Proverb 26:17 i dir e ki i annan pour fer avek mel dan lager nou kanmarad?

7. Ki dimoun i fer souvandfwa kan i annan en lager, me ki en Kretyen i devret fer e akoz?

Sapit 20 Paragraf 1-7

1. Ki Zezi i panse lo bann dimoun ki toultan anvi pas premye?

2. Ki zistwar Zezi ti rakonte e akoz?

3. Akoz Zezi ti rakont sa zistwar?

4. Ki i arive parfwa ler enn i esey pas premye?

Paragraf 8-15

5. Ki mannyer lanvi pour vin premye ti kree problenm parmi bann zapot Zezi kan zot ti pe al Zerizalenm?

6. Ki Zezi ti dir en dimoun ki anvi vin premye i devret fer?

7. Ki mannyer nou kapab azir konman lesklav pour lezot?

Sapit 21 Paragraf 1-10

1. Ki savedir vant nou lekor e ki ou panse lo bann ki fer sa?

2. Ki zistwar Zezi ti rakonte konsernan en Farizyen ek en kolekter taks?

3. Ki leson Zezi ti fer resorti atraver son zistwar?

Paragraf 11-19

4. Kan eski Pyer ti vant son lekor e ki mannyer bokou dimoun i fer parey ozordi?

5. Akoz nou napa en bon rezon pour vant nou lekor?

6. Lekel sa sel personnaz ki nou devret koz bokou lo li e akoz?

Sapit 22 Paragraf 1-6

1. Ki Zezi ti anvi dir par sa parol dan Matye 5:37?

2. Ki serten keksoz ti arive deswit apre ki Zezi ti mor?

Paragraf 7-13

3. Ki Ananyas ek Safira ti mal fer e ki ti arive avek zot?

4. Ki sa zistwar lo Ananyas ek Safira i ansenny nou?

Paragraf 14-18

5. Akoz i mal pour koz manti?

6. Kan ki nou kapab ganny tante pour koz manti?

7. Ki mannyer Labib i averti nou pour pa zanmen koz manti?

Sapit 23 Paragraf 1-8

1. Kote Zezi ti ete kan zot ti anmenn en zonm paralize kot li?

2. Akoz ti difisil pour sa zonm paralize ariv kot Zezi e finalman ki mannyer i ti kapab ariv kot Zezi?

3. Ki Zezi ti fer pour sa zonm paralize?

Paragraf 9-14

4. Ki nou aprann atraver mirak ki Zezi ti fer pour geri sa zonm paralize?

5. Ki mannyer tou imen in erit pese?

Paragraf 15-18

6. Akoz serten dimoun i malad pli souvan ki lezot?

7. Ki sa sel fason nou pou kapab ganny libere avek pese e ki kalite lasante nou pou annan kan nou pou nepli fer pese?

Sapit 24 Paragraf 1-13

1. Kwa ki kapab fer en dimoun vole?

2. Lekel ki ti premye voler e ki i ti vole?

3. Ki move dezir nou tou nou merit rezete?

4. Ki sa move dezir dan Zida Iskaryot ti pous li pour fer?

Paragraf 14-21

5. Ki mannyer Akann ti vin en voler?

6. Ki mannyer David ek son garson Absalonm ti vol sa ki pa ti pour zot?

7. Ki mannyer Bondye i vwar tou sort kalite vol?

8. Kwa ki pou ed nou pour pa zanmen vin en voler?

Sapit 25 Paragraf 1-8

1. Akoz detanzaot nou tou nou fer sa ki mal?

2. Ki move keksoz Sol ti fer e akoz?

Paragraf 9-15

3. Dan semen pour al aret bann Kretyen, ki ti arive avek Sol?

4. Ki Sol ti vini pli tar e ki bon keksoz i ti fer?

5. Lekel ki pe travay dir pour tant bann dimoun pour fer sa ki mal?

Paragraf 16-20

6. Ki nou tou nou bezwen lite pour fer?

7. Akoz Zezi ti kontan bann dimoun ki oparavan ti fer keksoz mal e ki apre ti sanze?

8. Kan nou vwar dan nou Labib ki sa ki nou pe fer i mal, ki nou devret fer?

Sapit 26 Paragraf 1-9

1. Ki mannyer Sol ti ganny trete kan i ti vin en disip Zezi?

2. Ki laverite dan Labib Zezi ti ansennyen ki ti fer bann dimoun ankoler?

3. Ki bann dimoun ti esey fer avek Zezi, me eski sa ti anpes li kontinyen prese?

Paragraf 10-14

4. Ki mirak Zezi ti fer zour Saba?

5. Lekel ki ti kontan mirak Zezi e lekel ki pa ti kontan?

6. Ki desizyon nou tou nou merit fer?

7. Lekel ki fer li difisil pour nou fer sa ki byen?

Paragraf 15-18

8. Lekel ki par deryer sa lemonn ki pa kontan bann disip Zezi?

9. Akoz i vreman difisil pour fer sa ki byen?

10. Ki promes ki devret pous nou pour fer sa ki Bondye i anvi?

Sapit 27 Paragraf 1-5

1. Akoz bann dimoun ti anvi ador Pol ek Barnabas, me ki zot ti dir e fer?

2. Ki bondye bokou dimoun i adore?

3. Lekel bondye sa lemonn e ki i esey fer bann dimoun fer?

Paragraf 6-13

4. Ki Lerwa Neboukadnetsar ti konmann tou dimoun pour fer, me akoz sa trwa zenn Ebre ti refize?

5. Ki mirak Zeova ti fer e ki mannyer Lerwa Neboukadnetsar ti reakte?

Paragraf 14-15

6. Eski ou kapab nonm serten keksoz ki imen in fer konman stati oubyen zidol ozordi?

7. Ki mannyer sa trwa Ebre ti pou vwar bann zidol dan nou letan?

Sapit 28 Paragraf 1-5

1. Akoz parler i kapab difisil pour konnen lekel nou pou obeir?

2. Ki Labib i dir bann zenn i bezwen fer?

3. Akoz Sadrak, Mesak ek Abednego ti refize ador sa stati ki Lerwa Neboukadnetsar ti’n fer?

4. Kan bann disip ti bezwen fer en desizyon konsernan lekel zot ti pou obeir, ki desizyon zot ti pran?

Paragraf 6-10

5. Lekel ki ti sef gouvernman dan letan Zezi e ki bon keksoz bann gouvernman i fer souvandfwa?

6. Ki Zezi ti dir konsernan pey taks e akoz sa ti byen?

Paragraf 11-18

7. Akoz zenn konman vye i devret obeir lalwa gouvernman ensi ki son bann reprezantan?

8. Kan ki bann vre Kretyen pa pou obeir serten lalwa e akoz?

Sapit 29 Paragraf 1-10

1. Kwa ki montre ki Bondye pa defann fer parti, me ki kalite parti ki pa akseptab devan li?

2. Ki sa de parti lanniverser Labib i koz lo la?

3. Eksplike ki ti arive dan sa de parti.

Paragraf 11-15

4. Ki leson Labib pe ansenny nou konsernan bann parti lanniverser?

5. Ki dat ki’n ganny swazir pour selebre lanniverser Zezi, me akoz i pa posib ki i ti ne sa zour?

Paragraf 16-17

6. Akoz bann dimoun i selebre Nwel?

7. Ki mannyer nou kapab fer sir ki en parti i annakor avek standar Bondye? (Zan 17:16; 2 Korentyen 6:14; 1 Pyer 4:3)

Sapit 30 Paragraf 1-9

1. Akoz Pyer ek lezot zapot ti per?

2. Kwa ki ti fer Pyer renye Zezi?

Paragraf 10-16

3. Konbyen fwa Pyer ti dir i pa konn Zezi e ki mannyer sa ti arive?

4. Ki mannyer nou kapab trouv nou dan en sitiasyon parey avek sa ki pour Pyer?

5. Kwa ki kapab ed nou pour evite annan lafreyer e sagren parey Pyer?

Sapit 31 Paragraf 1-7

1. Ki rekonfor Labib i donn bann ki tris e tousel?

2. Menm si Zezi ti soufer, ki i ti konnen?

3. Ki mannyer nou parey mouton e ki zistwar Zezi ti rakonte konsernan en mouton perdi?

Paragraf 8-12

4. Lekel ki parey sa berze dan zistwar Zezi e akoz i pa en problenm menm si I envizib?

5. Ki mannyer Psonm 23 i montre ki Zeova i kontan nou?

Paragraf 13-15

6. Akoz mouton Bondye pa devret per?

7. Ki mannyer Zeova i santi anver son bann serviter fidel e ki lefe sa i devret annan lo lafason nou vwar li?