Nou privilez pour konstri e mentenir landrwa kot nou ador Zeova

I ti demann bokou travay ek larzan pour konstri tanp Zeova. Kantmenm sa, bann Izraelit ti donn tou pour tou pour fini sa proze. (1Kr 29:2-9; 2Kr 6:7, 8) Apre ki tanp ti’n fini ganny konstrir, lafason ki bann Izraelit ti mentenir li ti montre si zot ti for spirityelman oubyen non. (2Rw 22:3-6; 2Kr 28:24; 29:3) Ozordi, bann Kretyen i donn bokou zot letan ek lenerzi pour konstri, netway e mentenir bann Lasal Rwayonm ek Lasal Lasanble. I en gran privilez pour travay ansanm avek Zeova dan sa fason e i form parti nou servis sakre.​—Ps 127:1; Re 7:15, NW.

NOU DONN KOUDMEN LER NOU . . .

• 

  Met lord apre sak renyon. Si ou pa kapab fer bokou, zis fer sir ou kit kot ou’n asize prop.

• 

  Fer li en labitid pour ede netway e mentenir Lasal Rwayonm. Pa nou travay i vin pli fasil e nou ganny plis lazwa ler i annan plizyer dimoun pe ede!​—lv 92-93 ¶18.

• 

  Fer kontribisyon. Zeova i apresye menm “de pti sou” ki nou donn avek tou nou leker.​—Mr 12:41-44.

• 

  Ofer pour ede konstri e repar bann batiman ki ganny servi pour bann aktivite teokratik si nou kapab. I pa neseser pour annan leksperyans dan travay konstriksyon pour ede.