Bann referans pour Kaye renyon Nou minister ek lavi Kretyen
12-18 OUT
BANN TREZOR DAN PAROL BONDYE | TIT 1–FILEMON
Rod bann perl spirityel
w89-E 15/5 31 ¶5
Kestyon lekter
Pol pa ti pe dakor avek okenn lensilt anver en ras oubyen group etnik anver bann ki sorti Kret. Nou kapab dir sa akoz Pol ti konnen ki lo Zil Kret ti annan bann Kretyen ki Bondye ti aprouve e ki ti’n ganny swazir par lespri sen. (Akt 2:5, 11, 33) I ti annan ase Kretyen devoue pour form bann kongregasyon dan “en lavil apre lot.” Menm si sa bann Kretyen pa ti parfe, nou kapab asire ki zot pa ti bann dimoun ki koz manti, pares e manz tro bokou, si non zot pa ti pou kontinyen ganny laprouvasyon Bondye. (Filipyen 3:18, 19; Revelasyon 21:8) Parey nou vwar dan tou nasyon ozordi, i tre probab lo zil Kret ti annan dimoun ki ti annan leker senser, zot ti sagren akoz standar moral degradan ki ti annan otour zot e zot ti pare pour byen resevwar sa bon nouvel.—Ezekyel 9:4; konpar Akt 13:48.
19-25 OUT
BANN TREZOR DAN PAROL BONDYE | EBRE 1-3
Rod bann perl spirityel
it-1-E 1185 ¶1
Resanblans
Eski Zezi in toultan reflekte menm laglwar avek son Papa?
Garson premye ne Bondye ki pli tar ti vin sa zonm ki apel Zezi, i’n ganny kree dan resanblans son Papa. (2Ko 4:4) I ti sa Garson ki Bondye ti koz avek ler I ti dir: “Annou kree et imen dan nou limaz e dan nou resanblans.” Sa resanblans Garson avek son Papa ki Kreater, ti egziste depi letan ki Garson ti ganny kree. (Ze 1:26; Zan 1:1-3; Kol 1:15, 16) Ler Zezi ti lo later konman en zonm parfe, i ti reflekte bann kalite ek personnalite son Papa otan ki posib konman en imen. Alor i ti kapab dir: “Sa ki’n vwar mwan, i’n vwar mon Papa osi.” (Zan 14:9; 5:17, 19, 30, 36; 8:28, 38, 42) Par kont, sa resanblans ti vin pli aparan ler Zezi ti ganny resisite konman en lespri e ganny donnen “tou lotorite dan lesyel e lo later” avek son Papa, Zeova. (1Pyr 3:18; Mt 28:18) Vi ki Bondye in donn Zezi “en pozisyon pli siperyer,” Garson Bondye i aprezan reflekte laglwar son Papa plis ki avan i ti kit lesyel pour vin lo later. (Fil 2:9; Ebr 2:9) Aprezan Zezi i “resanblans egzakt personnalite Bondye.”—Ebr 1:2-4.
it-1-E 1063 ¶7
Lesyel
Psonm 102:25, 26 i aplik lo Zeova. Me zapot Pol i aplik sa verse lo Zezi Kri akoz Zeova ti servi Zezi, son sel Garson pour kree liniver. Pol pe servi sa legzanp pour montre diferans ant Zezi ki eternel ek liniver ki Bondye ti kapab fer disparet. Si Zeova ti oule i ti pou kapab ploy liniver parey en manto e met li laba.—Ebr 1:1, 2, 8, 10-12; konpar 1Pyr 2:3, not.
26 OUT–1 SEPTANM
BANN TREZOR DAN PAROL BONDYE | EBRE 4-6
Rod bann perl spirityel
it-1-E 1139 ¶2
Lespwar
Sa lespwar lavi eternel ki pa kapab gate pour bann ki’n “ganny swazir pour al dan lesyel” (Ebr 3:1) i en baz solid e i en keksoz ki nou kapab depan lo la. I baze lo de keksoz, ki enposib pour Bondye koz manti setadir sa ki i dir konsernan son bann promes ek son bann serman e sa lespwar pour viv ansanm avek Zezi ki ozordi i imortel dan lesyel. Sa lespwar “i parey lank en bato dan nou lavi, enn ki sir e ferm e ki fer nou antre anndan par deryer rido [parey sa gran pret ler i ti antre dan Tre Sen Zour Propisyasyon], kot en lot in antre avan nou pour prepar semen pour nou, setadir Zezi, ki’n vin en granpret parey Melkisedek pour touzour.”—Ebr 6:17-20.