Bann zanmi Bondye i evit sa ki mal

Satan i tant dimoun pour fer bann keksoz mal. En dimoun ki anvi vin zanmi Bondye i bezwen deteste sa ki Bondye i deteste. (Psonm 97:10) La serten keksoz ki bann zanmi Bondye i evite:

Bann pese seksyel. “Ou pa devret komet adilter.” (Egzod 20:14) Annan relasyon seksyel avan maryaz i osi mal.—1 Korentyen 6:18.

Bwar an ekse. “Bann soular . . . pa pou erit rwayonm Bondye.”—1 Korentyen 6:10.

Mert, Lavortman. “Ou pa devret komet mert.”—Egzod 20:13.

Vole. “Ou pa devret vole.”—Egzod 20:15.

Koz manti. Zeova i deteste “en lalang mansonz.”—Proverb 6:17.

Vyolans ek Lakoler ki Pa Ganny Kontrole. “Nenport ki kontan vyolans, [Zeova] i vreman deteste.” (Psonm 11:5) “Bann aktivite natir imen [i enkli] . . . lakoler.”—Galat 5:19, 20.

Zwe Larzan. “Zot pa devre asosye zot avek personn ki . . . anvye.”—1 Korentyen 5:11.

Laenn Rasyal e Etnik. “Kontan zot lennmi e priy pour bann ki persekit zot.”—Matye 5:43, 44.

Bann keksoz ki Bondye i dir nou, i pour nou dibyen. I pa touzour fasil pour evite fer bann keksoz mal. Avek led Zeova ek led son bann Temwen, ou kapab evite fer bann keksoz ki depler Bondye.—Izai 48:17; Filipyen 4:13; Ebre 10:24, 25.