LESON 28
Montre lapresyasyon pour sa ki Zeova ek Zezi in fer pour ou
Ki mannyer ou santi ler en zanmi i donn ou en zoli kado? I tre probab ki ou vreman kontan e ou anvi montre ou zanmi ki ou apresye sa kado. Zeova ek Zezi in donn nou sa pli gro kado ki nou kapab gannyen. Ki sa kado e ki mannyer nou kapab montre lapresyasyon pour sa kado?
1. Ki mannyer nou kapab montre nou lapresyasyon pour sa ki Bondye ek Zezi in fer pour nou?
Labib i promet ki “nenport ki ki demontre lafwa dan [Zezi]” i kapab viv pour touzour. (Zan 3:16) Ki savedir demontre lafwa? I pa vedir zis krwar dan Zezi. Nou montre nou lafwa par sa ki nou fer e osi par nou bann desizyon. (Zak 2:17) Ler nou demontre nou lafwa par sa ki nou fer e sa ki nou dir, nou lanmitye avek Zezi ek son Papa Zeova, i vin pli for.—Lir Zan 14:21.
2. Ki levennman spesyal ki ed nou demontre lapresyasyon pour sa ki Zeova ek Zezi in fer pour nou?
Sa zour swar kan Zezi ti mor, i ti demann son bann disip pour demontre zot lapresyasyon pour son sakrifis dan en lot fason. I ti entrodwi en levennman spesyal ki Labib i apel “Repa Senyer,” ki nou osi konn li konman Memoryal lanmor Kris. (1 Korentyen 11:20) Zezi ti entrodwi sa levennman pour ki son bann zapot e osi tou bann vre Kretyen ki vin apre zot, i mazinen ki i ti donn son lavi pour nou. Konsernan sa levennman, Zezi ti dir: “Kontinyen fer sa pour montre ki zot pe mazin mwan.” (Lik 22:19) Ler ou asiste Memoryal, ou montre ki ou rekonesan pour sa gran lanmour ki Zeova ek Zezi i annan pour nou.
AL PLI O PROFON
Egzamin lezot fason ki ou kapab montre ou lapresyasyon pour sa gran lanmour ki Zeova ek Zezi in demontre pour nou. Vwar lenportans Memoryal lanmor Zezi.
3. Lapresyasyon i pous nou pour azir
Fer konmsi ou ti pe noye e la en dimoun i sov ou. Eski ou pou zis oubliye ki sa dimoun in fer pour ou oubyen ou pou rod fason pour montre li ki ou apresye sa ki i’n fer?
Nou dwa nou lavi Zeova. Lir 1 Zan 4:8-10 e apre reponn sa bann kestyon:
Akoz sakrifis Zezi i en kado spesyal?
Ki mannyer ou santi konsernan sa ki Zeova ek Zezi in fer pour ou?
Ki mannyer nou kapab montre nou lapresyasyon pour sa ki Zeova ek Zezi in fer pour nou? Lir 2 Korentyen 5:15 ek 1 Zan 4:11; 5:3. Apre ki ou’n lir sak sa bann verse, reponn sa kestyon:
Dapre sa verse, ki nou kapab fer pour montre nou lapresyasyon?
4. Swiv legzanp Zezi
En lot fason pour montre nou lapresyasyon i par imit Zezi. Lir 1 Pyer 2:21 e apre reponn sa kestyon:
Dan ki fason ou kapab swiv legzanp Zezi fidelman?
Zezi ti kontan Parol Bondye, i ti anons sa bon nouvel e ed lezot
5. Asiste Memoryal lanmor Kris
Lir Lik 22:14, 19, 20 pour vwar ki ti arive pandan sa premye Repa Senyer. Apre reponn sa bann kestyon:
Ki ti arive pandan sa Repa Senyer?
Ki sa dipen ek sa diven i reprezante?—Vwar verse 19 ek 20.
Zezi ti oule son bann disip i selebre Repa Senyer enn fwa tou le lannen zour lanniverser son lanmor. Se pour sa ki bann Temwen Zeova i zwenn ansanm tou le-z-an pour mazin lanmor Kris dan sa fason ki i ti demann zot. Pour aprann konsernan sa rasanbleman enportan, zwe sa VIDEO. Apre reponn sa kestyon.
Kwa ki pase pandan Memoryal?
Sa dipen ek sa diven i reprezant en keksoz. Sa dipen i reprezant lekor parfe ki Zezi ti sakrifye pour nou. Sa diven i reprezant son disan
REZIMEN
Nou montre lapresyasyon pour sa ki Zezi in fer pour nou par demontre lafwa dan li e par asiste Memoryal son lanmor.
Revizyon
Ki savedir demontre lafwa dan Zezi?
Ki mannyer ou ti pou kontan montre ou lapresyasyon pour sa ki Zeova ek Zezi in fer pour ou?
Akoz i sitan enportan pour asiste Memoryal lanmor Kris?
FER PLIS RESERS
Ki lanmor Zezi i pous nou pour fer?
Aprann plis konsernan lafwa e ki mannyer nou kapab demontre lafwa.
“Demontre ou lafwa dan bann promes Zeova” (Latour Veyer Oktob 2016)
Dan sa zistwar “I Feel Clean, Alive, and Whole,” vwar ki mannyer sakrifis Zezi in ed en madanm.
“The Bible Changes Lives” (Latour Veyer 1 Out 2011 an Angle)
Vwar akoz zis en pti gin dimoun ki manz sa dipen e bwar sa diven pandan Memoryal.