Koz lo keksoz ki enteres lezot

Sa ki Zezi ti fer

VIDEO: Zezi ek sa madanm kot pwi

1. Get sa VIDEO oubyen lir Zan 4:​6-9. Apre reponn sa bann kestyon swivan:

1. Ki Zezi ti remarke avek sa madanm avan i konmans en konversasyon?

2. Zezi ti dir: “Donn mwan en pe delo pour bwar.” Akoz sa ti en bon fason pour konmans sa konversasyon?

Ki nou aprann avek Zezi?

2. Nou pou kapab konmans en bon konversasyon si nou konmans koz lo en topik ki enteres sa dimoun.

Fer parey Zezi

3. Pare pour adapte. Pa ensiste pour koz lo en topik ki ou’n fini prepare davans. Konmans koz lo en keksoz ki bokou dimoun i enterese avek ozordi. Demann ou lekor:

1. ‘Ki pe pase dan nouvel?’

2. ‘Ki mon bann vwazen, koleg travay oubyen kanmarad lekol pe koz lo la?’

4. Obzerv byen. Demann ou lekor:

1. ‘Ki sa dimoun pe fer? Ki i kapab pe mazinen?’

2. ‘Ki son labiyman, son laparans oubyen son lakour i dir mwan lo son krwayans ouswa son kiltir?’

3. ‘Eski la i sa bon moman pour koz avek sa dimoun?’

5. Ekoute.

1. Pa koz tro bokou.

2. Ankouraz sa dimoun pour eksprim li. Ler i apropriye, demann kestyon.