Nou pou rekolte bokou Benediksyon si nou senm bokou
1 Nou tou nou pe esper avek enpasyans lakonplisman bann promes merveye ki dan Parol Bondye. Menm konmela, Zeova i donn nou bokou benediksyon ki fer nou zwaye. Toutfwa, kantite ki nou benefisye personnelman, i depan en kantite lo zefor ki nou fer. Parey zapot Pol i dir, “sa ki senm bokou, i pou rekolte bokou.” (2 Kor. 9:6) Konsider de domenn kot sa prensip i aplike.
2 Nou Minister: Partaz sa bon nouvel avek bann dimoun nenport moman ki nou kapab pour donn en temwannyaz i anmenn bokou rekonpans. (Prov. 3:27, 28) Dan en fason remarkab, en kantite dimoun pe senm bokou par ogmant zot partisipasyon dan minister, enkli fer pionye asistan oubyen ordiner. Nou tou nou kapab senm bokou par konsyansyezman retournen pour kiltiv lentere tou bann dimoun ki ti enterese e par ofer en letid Labib nenport moman ki loportinite i prezant devan nou. (Rom. 12:11) Si nou fer zefor entans dan sa bann domenn nou pou ganny bann leksperyans ankourazan ek plis lazwa dan nou minister.
3 Siport bann Lentere Rwayonm: Pol ti fer son komanter lo “senm bokou” an rapor avek donn bann keksoz materyel. (2 Kor. 9:6, 7, 11, 13) Ozordi, i annan bokou keksoz ki nou kapab fer fizikman oubyen lo plan materyel pour siport bann lentere Rwayonm. Nou kapab ede dan konstriksyon bann Lasal Rwayonm ek Lasal Lasanble. Nou kapab fer nou disponib pour partisip dan netwayaz e mentenir sa bann landrwa pour vre ladorasyon. Deplis, nou kapab kontribye finansyerman pour bann depans kongregasyon ensi pour sa travay mondyal predikasyon lo Rwayonm e fer disip. Nou tou nou kapab fer nou par. Pa nou rezwir bokou pour vwar ki Zeova i beni en kantite sa travay ki i’n ordonnen!—Mal. 3:10; Lik 6:38.
4 Parol Bondye i enplor nou ‘pour fer sa ki byen, e ki nou larises i konsist an bonn aksyon. . . . Montre nou zenere e touzour pare pour partaz avek lezot.’ Anmezir ki nou port latansyon lo sa konsey, nou rezwir bokou benediksyon la konmela. Anmenmtan, nou pe “anmas en bon e solid trezor pour lavenir, e vre lavi” ki pe vini.—1 Tim. 6:18, 19.