Bann Rapel pour Memoryal

Komemorasyon Memoryal sa lannen i tonm Merkredi le 16 Avril. Bann ansyen i devret vey sa bann keksoz swivan:

◼ Kan ler renyon i ganny fikse, fer sir ki bann lanblenm pa pou ganny pase avan soley kouse.

◼ Tou dimoun, enkli orater, i devret ganny enformen ler egzakt ek landrwa kot Memoryal pou ganny obzerve.

◼ Dipen ek diven apropriye ti a bezwen ganny prevwar e prepare.—Vwar Latour Veyer le 15 Fevriye, 1985 (Angle paz 19 e Franse paz 17.)

◼ Bann lasyet, ver, ek en latab konvenab ensi ki son tapi, i bezwen ganny anmennen kot sa lasal e met an plas davans.

◼ Lasal Rwayonm oubyen lezot landrwa kot renyon pou ganny fer i devret ganny byen netwaye davans.

◼ Bann ki pou dan servis lakey ek bann ki pou pas lanblenm, i devret ganny swazir e enstri davans konsernan zot responsabilite ek bann prosedir konvenab.

◼ Bann laranzman i bezwen ganny fer pour servi bann Kretyen swazir ki malad e ki pa kapab prezan sa zour.

◼ Si dapre progranm, i annan plis ki en kongregasyon ki pou servi menm Lasal Rwayonm, i devret annan bon kordinasyon ant bann kongregasyon afen ki nou evite ankonbre dan larantre, lo trotwar piblik, e dan parking. Kot i posib, i byen pour permet en lespas letan 45 minit ant bann komemorasyon.