Lasazes Bondye i annan en Gran Valer
1 Serten dimoun i panse ki Temwen Zeova i devret depans zot letan dan en fason pli direk pour ede soulaz bann problenm ki limanite pe fer fas avek ozordi. Sa bann tel dimoun pa vwar sa gran valer ki nou travay edikasyonnel lo Labib i annan. I parey sa ki zapot Pol ti ekrir: “Mesaz lanmor Kris lo [poto siplis, NW] i en lafoli pour bann ki pe perdi, me pour nou ki’n sove, i en pisans Bondye.” (1 Kor. 1:18) Anfet, nou konnen ki predikasyon i travay pli enportan ki pe ganny fer lo later ozordi.
2 En Lavi pli meyer konmela menm: Bann zefor ki imen i fer pour rezourd problenm limanite in anmenn en pti gin rezilta. Bann lalwa ki defann dimoun fer bann aksyon kriminel pa’n aret ogmantasyon krim. Bann trete lape ek bann lafors gard lape pa’n arive met en lafen avek lager. Bann progranm sosyal pa’n kapab elimin lamizer. (Ps. 146:3, 4; Zer. 8:9) Parkont, mesaz Rwayonm in sanz lavi plizyer milyon dimoun par ed zot pour annan en nouvo personnalite ki Bondye i aksepte. (Rom. 12:2; Kol. 3:9, 10) Ler zot fer sa, zot rezwir en pli bon lavi konmela menm.—1 Tim. 4:8.
3 En Lavenir merveye: Apard ki ed nou pour nobou fer fas avek bann problenm ki arive dan lavi, lasazes Bondye i fer nou kapab fer bon plan pour lavenir. (Ps. 119:105) I anpes nou fer bann zefor initil pour amelyor sa sistenm ki nou pe viv ladan. (Ekle. 1:15; Rom. 8:20) Pa nou vreman rekonesan ki nou pa pe gaspiy nou letan ek lenerzi pour pourswiv bann lobzektif ki anven! Okontrer, nou konsantre nou zefor lo promes Zeova ki solid, konsernan “en nouvo lesyel ek en nouvo later” kot pou annan ladrwatir. Ler zour zizman Zeova i arive, i pou evidan ki bann ki’n depan lo lasazes Bondye ti’n fer sa bon swa.—2 Pyer 3:10-13; Ps. 37:34.
4 Menm si lasazes Bondye i paret pa rezonnab e pratik pour bann ki’n met tou zot konfyans dan “lasazes sa lepok,” an realite i sa sel pli bon semen pour swiv. (1 Kor. 1:21; 2:6-8) Alors, nou kontinyen proklanm sa mesaz ki sorti kot Bondye, ki ‘li tousel ki posed lasazes,’ dan lemonn antye.—Rom. 16:27.