Fer dibyen e partaz avek lezot
1 Dorkas ti “touzour okipe pe fer dibyen e pe ed bann pov.” (Akt 9:36, 39) Son zenerozite ti fer bann dimoun ki ti konn li e osi Zeova kontan li. Ebre 13:16 i dir: “Pa manke fer dibyen e [partaz avek lezot, NW], parski se bann sakrifis koumsa ki fer plezir Bondye.” Konman nou kapab fer dibyen e partaz avek lezot ozordi?
2 En fason ki nou kapab ed lezot i ler nou partaz nou “bann keksoz valer.” (Prov. 3:9) Nou bann kontribisyon pour sa travay mondyal i fer posib pour bann Lasal Rwayonm, Lasal Lasanble, ek bann biro brans ganny konstri atraver lemonn. Nou zenerozite in fer plizyer milyon dimoun benefisye avek lenstriksyon teokratik ek lasosyasyon spirityel ankourazan.
3 Donn Rekonfor: Ler bann dezas i arive, pep Zeova i pare pour “fer dibyen” zot bann konpanyon Kretyen osi byen bann ki pa partaz zot lafwa. (Gal. 6:10) Apre en leksplozyon dan en lizin kemikal Lafrans, en koup ki reste pros avek sa lizin ti dir: “Nou bann frer ek ser Kretyen ti vin vitman pour ede netway nou apartman e osi pour lezot dan sa batiman. Nou bann vwazen ti sirprann pour vwar sa kantite dimoun vin ede.” En lot ser ti dir: “Bann ansyen ti vin ed nou. Zot ti vin ankouraz nou. An realite, se sa ki nou ti bezwen, plis ki led materyel.”
4 Menm si i annan en kantite fason nou kapab fer dibyen nou bann vwazen, pli bon fason nou kapab ed zot i par partaz avek zot konnesans laverite, ki presye. Sa i enkli “lesperans lavi eternel” ki Zeova li menm in promet. (Tit 1:1, 2) Mesaz Labib i anmenn vre rekonfor pour bann ki sagren akoz kondisyon sa lemonn ek zot lenperfeksyon. (Mat. 5:4) Annou fer dibyen e partaz avek lezot ler nou dan en pozisyon pour fer li.—Prov. 3:27.