Nouvo progranm lasanble rezyonal

Ki mannyer i posib pour reste ferm kont bann ki severman opoz vre ladorasyon? Konman nou kapab pli for ki bann lenfliyans ki pe kontinyelman esey trenn nou dan sa lemonn Satan? Sa progranm lasanble rezyonal pour lannen servis 2009 pou reponn sa bann kestyon tre enportan. Son tenm i ‘Kontinyen domin lemal par sa ki byen.’ (Rom. 12:21) Annou egzamin sa ki’n ganny prepare pour nou dan sa progranm lasanble.

Sirveyan distrik pou donn plizyer diskour avek tit “Nou ganny fortifye pour domin lemal par sa ki byen,” “Evite annan tro bokou konfyans dan nou lekor!,” “Tou lemal pou fini byento!” e “Ranforsi nou lafwa pour ganny laviktwar lo lemonn.” Sirveyan rezyonal pou fer en diskour lo sa bann tenm “La i lemoman pour reste eveye!,” baze lo Romen 13:11-13 e “Pa montre ou dekouraze dan letan ladetres,” baze lo Proverb 24:10. Nou osi enpasyan pour ekout sirveyan rezyonal kan i pou donn sa diskour “Egzamin bann bezwen dan nou rezyon.” En lot diskour ki pou vreman ankourazan i “Eski ou kapab ‘Annan lespri servis’—par pran servis pionye?” Sa premye diskour an plizyer parti i annan pour tit “Tenir ferm kont bann riz Dyab.” I pou ed nou pour idantifye e rezet bann trik ki Dyab i servi pour anbet nou dan bann domenn tel parey teknolozi, divertisman ek ledikasyon. Sa lot diskour an plizyer parti “Rod lafors pour reziste sa move zour” pou montre nou konman pour aplik pli byen sa konsey enspire ki ganny trouve dan Efezyen 6:10-18.

I annan en lyen tre pros ant anons bon nouvel Rwayonm e ranport laviktwar lo Satan ki sours lemal. (Rev. 12:17) I pa sirprann nou ki Satan pa zanmen aret atak bann Temwen Zeova! (Iza. 43:10, 12) Toudmenm, tou son zefor pou tonm dan delo akoz nou determinen pour kontinyen “domin lemal par sa ki byen.” Fer tou laranzman neseser pour ou benefisye plennman avek tou le kat sesyon sa lasanble rezyonal.