Amelyor nou abilite pour prese​—Montre nou etidyan ki mannyer pour prepare

AKOZ I ENPORTAN: Ler zot prepare, zot pli byen kapab konpran e rapel sa ki nou pe ansenny zot. Pli zot konpran e rapel sa ki zot pe aprann, zot pou fer progre pli vit. Menm apre zot batenm, zot pou bezwen kontinyen prepare pour renyon ek predikasyon pour zot kapab “kontinyen veye.” (Mt 25:13) Alor, ler bann etidyan i konnen ki mannyer pour etidye, sa pou fer zot annan en bon progranm letid ki pou benefisye zot tou dilon zot lavi. Byen boner, nou devret ed zot pour devlop sa labitid pour prepar zot letid.

KI MANNYER POUR ED ZOT:

• 

  Vin en bon legzanp. (Ro 2:21) Prepar sak letid e an menm tan gard antet sa etidyan. (km 11/15 3) Les li get ou piblikasyon ki ou’n prepare

• 

  Ankouraz li pour prepare. Enn fwa sa letid i vin regilye, fer li konnen ki preparasyon i form parti sa laranzman pour etidye Labib e eksplik li byenfe ki i pou gannyen. Donn li bann sizesyon pratik lo ki mannyer i kapab fer letan pour li fer son preparasyon. Serten ansenyan i les zot etidyan servi zot piblikasyon ki’n fini prepare pandan letid pour ed sa etidyan vwar byenfe ki ou gannyen ler ou fer preparasyon. Felisit li ler i prepare

• Montre li ki mannyer pour prepare. Byen boner pandan letid, serten ansenyan i montre son etidyan ki mannyer pour prepar en leson