Zenn, “devoue pour fer bann bon keksoz”

Dan en let enspire ki Pol ti ekri pour Tit, i ti dir ki bann zenn onm enkli Tit, ti devret fer bokou zefor pour vin “en legzanp an sa ki konsern fer sa ki byen dan tou laspe.” (Tit 2:6, 7) Pli tar dan sa menm sapit, i ti dir ki Zezi ti pou pirifye pep Zeova pour ki zot “devoue pour fer bann bon keksoz.” (Tit 2:14) Enn parmi sa bann bon keksoz i predikasyon e pour ansenny dimoun lo Rwayonm Bondye. Si ou ankor zenn, eski ou kapab servi ou lafors pour fer pionye asistan ouswa pionye ordiner?​—Pr 20:29.

Si ou anvi fer pionye, fer en bon progranm. (Li 14:28-30) Par egzanp, ki mannyer ou pou kouver ou bann depans anmezir ou pe fer servis a plen tan? Ki mannyer ou pou reisi fer sa kantite erdtan ki neseser pour fer pionye? Rod led avek Zeova dan lapriyer. (Ps 37:5) Diskit lo ou plan avek ou paran e avek bann ki’n reisi dan zot servis konman en pionye. Apre, fer bann pa neseser pour reisi atenn ou lobzektif. Zeova pou sirman beni ou devouman dan son servis!

GET SA VIDEO YOUTHS HONORING JEHOVAH E APRE REPONN SA BANN KESTYON SWIVAN:

• Ki defi serten in sirmonte pour fer pionye e ki mannyer zot in fer pour reisi?

• Ki mannyer bann paran i kapab ed zot zanfan pour vin pionye ordiner?

• Akoz i enportan pour annan en bon progranm predikasyon?

• Ki mannyer bann frer ek ser dan kongregasyon i kapab ankouraz e ed en pionye?

• Ki benediksyon bann pionye i gannyen?