Eski ou kapab donn ou letan ek lenerzi?

Parey Izai ti predir, sa parti lorganizasyon Zeova ki lo later pe ogmante plis ki zanmen oparavan. (Iza 54:2) Sa i vedir ki nou bezwen konstri bann nouvo Lasal Rwayonm, Lasal Lasanble ek biro brans. Apre konstriksyon, sa bann batiman i bezwen ganny mentenir e avek letan travay renovasyon i bezwen ganny fer lo serten sa bann batiman. Ki loportinite sa i donn nou pour ki nou kapab donn Zeova nou letan ek lenerzi?

• Nou kapab netway Lasal Rwayonm ler i tour nou group predikasyon pour netwaye

• Nou kapab volonter pour ganny formasyon lo ki mannyer pour mentenir nou Lasal Rwayonm

• Nou kapab ranpli sa form Local Design/Construction Volunteer Application (DC-50) pour ede tanzantan dan bann proze konstriksyon ek mentenans ki pa lwen avek kot nou reste

• Nou kapab ranpli sa form Application for Volunteer Program (A-19) e ede volonterman pour en semenn oubyen plis, swa kot Betel oubyen kot en lot batiman ki tonm anba nou biro brans

GET SA VIDEO A NEW CONSTRUCTION PROJECT IS BEING PLANNED​—EXCERPT. APRE REPONN SA BANN KESTYON SWIVAN:

• Ki mannyer lakantite video ki ganny servi in ogmante depi 2014?

• Pour fer sir ki nou kontinyen ganny bann video ki nou bezwen, ki proze ki pe al ganny fer e ki kantite letan i kapab pran pour fini sa konstriksyon?

• Ki mannyer bann volonter i kapab ede avek sa proze?

• Si nou ti a kontan ede dan konstriksyon Ramapo, akoz nou devret ranpli sa form (DC-50) e ede lo bann proze ki Local Design/Construction pe travay lo la ki pa lwen avek kot nou reste?

• Ki levidans nou annan ki montre ki Zeova ki pe diriz sa travay?

• Ki mannyer nou kapab siport sa proze menm si nou pa kapab ede dan sa konstriksyon?