VIV KONMAN EN KRETYEN
Depan lo Zeova ler ou ganny bouli
Bann bouli i kapab fer nou sagren e tonm dan depresyon. Zot menm kapab afebli nou spirityalite si nou per ler zot opoz nou ladorasyon. Ki mannyer ou kapab protez ou kont en bouli?
Bokou serviter Zeova in reisi fer fas avek en bouli ler zot in depan lo Zeova. (Ps 18:17) Par egzanp, Ester ti koz lo bann plan ki en bouli ki ti apel Amann ti fer. (Es 7:1-6) Avan ki Ester ti koze, i ti zennen pour montre ki i ti depan lo Zeova. (Es 4:14-16) Zeova ti beni son aksyon e i ti protez li ek son pep.
Bann zenn, si ou ganny bouli, demann Zeova led e koz lo ou problenm avek en dimoun ki matir, par egzanp en paran. Ou kapab asire ki Zeova pou ed ou parey i ti ed Ester. Ki lezot keksoz ou kapab fer ler ou ganny bouli?
GET SA VIDEO MON LAVI KONMAN EN ADOLESAN—KI MON KAPAB FER LER MON GANNY BOULI? APRE REPONN SA BANN KESTYON SWIVAN:
Ki bann zenn i kapab aprann avek legzanp Charlie ek Ferin?
Ki bann paran i kapab aprann lo bann komanter Charlie ek Ferin konsernan sa ki zot kapab fer pour ed zot zanfan?