VIV KONMAN EN KRETYEN
Zeova i sov bann ki dekouraze
Parfwa nou tou nou sagren. Ler nou sagren, sa i pa vedir ki nou napa lafwa dan Zeova. Menm Zeova ti dir ki parfwa i sagren. (Ze 6:5, 6) Me ki arive si parfwa ouswa toultan nou santi nou sagren?
Priy Zeova pour ganny son led. Zeova i vreman enterese avek lafason ki nou santi. I konnen ler nou kontan e ler nou sagren. I konpran ki nou pe panse e akoz nou pe santi koumsa. (Ps 7:9b) Me sa ki pli enportan, Zeova i enterese avek nou e i kapab ed nou ler nou sagren ouswa ler nou dan depresyon.—Ps 34:18.
Pran swen avek ou lasante mantal. Bann santiman negatif i kapab anpes nou zwaye e gat nou lanmitye avek Zeova. I pour sa rezon ki nou bezwen protez nou leker, ki vedir sa dimoun ki nou ete anndan.—Pr 4:23.
ZWE SA VIDEO KI MANNYER NOU BANN FRER EK SER I ANPE MALGRE DEPRESYON. APRE REPONN SA BANN KESTYON SWIVAN:
Ki bann keksoz pratik Nikki ti fer pour ed li fer fas avek depresyon?
Akoz Nikki ti santi ki i bezwen rod led medikal?—Mt 9:12
Dan ki fason Nikki ti depan lo Zeova pour ed li?