VIV KONMAN EN KRETYEN

Ed bann dimoun ki pa relizye pour konn zot Kreater

Eski ou ezite donn en temwannyaz avek bann dimoun ki pa relizye akoz ou krwar ki zot pa pou ekoute? Si wi, mazinen ki bokou sa bann dimoun ki pa relizye, enkli bann ki pa krwar dan Bondye in vin bann Temwen Zeova. Souvan, zot ti zis bezwen vwar levidans ki Bondye i egziste.—Ro 1:20; 10:14.

GET SA VIDEO MAZINEN—DIMOUN KI NAPA LAFWA I KAPAB DEVLOP LAFWA!—BANN DIMOUN KI PA RELIZYE. APRE REPONN SA KESTYON SWIVAN:

Ki mannyer leksperyans Tommaso i ed ou pour annan en pwennvi pozitif konsernan rann temwannyaz avek bann dimoun ki pa relizye?

Ou larepons

Ki mannyer pour fer li

Si en dimoun i dir ki i pa krwar dan Bondye, servi bon zizman, montre ki ou zantiy e ki ou vreman enterese avek sa ki i pe mazinen ek son santiman lo sa size. (2Ti 2:24) Koz lo bann topik ki pou enteres li. Eski i pare pour koz lo levidans ki’n fer bokou dimoun krwar dan en Kreater? Si wi, servi bann piblikasyon ek video ki’n ganny fer pour sa topik. Sa brosir Was Life Created? ek sa brosir The Origin of Life—Five Questions Worth Asking in ganny azoute dan Zouti predikasyon pour fer li fasil pour nou servi.

O konmansman, ou kapab ezite pour konmans donn en temwannyaz avek en dimoun ki pa krwar dan Bondye. Akoz ou pa demann en proklanmater eksperyanse pour ed ou? Mazinen, Zeova i kapab ed ou pour tous leker bann ki annan sa bon kondisyon leker menm si o konmansman zot pa krwar ki Bondye i egziste.—Akt 13:48.